Can't connect right now! retry

پاکستان
13 مارچ ، 2018

کراچی کے علاقے لیاری میں رینجرز پر حملہ، ایک اہلکار شہید

کراچی اولڈ سٹی کے علاقے لیاری میں گینگ وار دہشت گردوں کی فائرنگ سے رینجرز کا ایک اہلکار شہید اور چار زخمی ہوگئے جبکہ رینجرز کی جوابی فائرنگ سے 5 دہشت گرد ہلاک ہوگئے۔

‎ترجمان رینجرز کے مطابق ذکری پاڑہ لیاری میں گشت ‎کے دوران دہشت گردوں نے رینجرز کی گاڑی پر گرینیڈ اور خودکار ہتھیاروں سے حملہ کیا۔

حملے کے نتیجے میں رینجرز کا ایک سپاہی شہید اور 4 زخمی ہوگئے جبکہ رینجرز کی جوابی فائرنگ سے ایک دہشت گرد مارا گیا۔

بعدازاں رینجرز اور پولیس کی اضافی نفری نے علاقے میں سرچ آپریشن کیا، جس کے دوران ملزمان سے فائرنگ کے تبادلے میں مزید 4 دہشت گرد مارے گئے۔

ترجمان کے مطابق ہلاک دہشت گردوں کی شناخت نہیں ہوسکی جبکہ ان کے قبضے سے 4 کلاشنکوف دستی بم، 3 آوان بم، ایک نائن ایم ایم پستول اور میگزینز بھی برآمد ہوئے۔

ملزمان کی لاشوں کو سول اسپتال منتقل کردیا گیا۔


Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM