کراچی بندرگاہ پر دو جہاز ٹکرانے سے 21 کنٹینر سمندر میں گرگئے
19 مارچ ، 2018
کراچی کی بندرگاہ پر دو کنٹینر جہاز آپس میں ٹکراگئے جس کے باعث پاکستان کے سب سے گہرے ٹرمینل پر جہازوں کی آمدورفت کچھ دیر کے لیے معطل رہی۔
ذرائع کے مطابق واقعہ ساؤتھ ایشیا پورٹ ٹرمینل لیمیٹڈ (ایس اے پی ٹی) میں پیش آیا جس کے دوران ٹولٹن نامی جہاز سے بندرگاہ پر کنٹینر گرگئے تاہم ڈیپ پورٹ انتظامیہ نے فوری آپریشن کرکے کرنیوں کو نقصان سے بچالیا۔
پورٹ انتظامیہ کے مطابق جہازوں کی برتھنگ کے دوران آپس میں ٹکرہوئی تاہم حادثے میں کوئی جانی نقصان نہیں ہوا۔
واقعے کے دوران 21 کنٹینرز سمندر میں گر گئے جبکہ ٹرمینل پر صورتحال اب معمول کے مطابق ہے۔
