24 اپریل ، 2018 
فٹبال میچ کے دوران رنبیر، ابھیشیک نے 'کجرا رے' پر ڈانس کیوں کیا؟
24 اپریل ، 2018
شوبز اسٹارز چاہے کسی بھی ملک کے ہوں، جب بھی آپس میں ملتے ہیں تو کچھ حسین اور تفریح سے بھرپور پل ضرور مداحوں کے نام کر جاتے ہیں۔
ایسا ہی کچھ بالی وڈ اسٹارز رنبیر کپور اور ابھیشیک بچن نے بھی کیا اور ایک فٹبال میچ کے دوران گراؤنڈ میں ہی مشہور گانے 'کالا چشمہ' پر ایک دوسرے گانے 'کجرا رے' کے ڈانس اسٹیپ کر ڈالے، جس کی ویڈیو سوشل میڈیا پر وائرل ہوگئی۔
رنبیر اور ابھیشیک سنگاپور میں ایک چیریٹی فٹبال میچ کھیل رہے تھے کہ اسی دوران انہوں نے گراؤنڈ میں ہی ڈانس کا فیصلہ کیا، اب گانا تو چلایا گیا 'کالا چشمہ' لیکن مداحوں کو ڈانس اسٹیپ 'کجرا رے' کے دیکھنے کو ملے۔
جب ایک ٹوئٹر صارف نے اس حوالے سے سوال کیا تو ابھیشیک نے ہنستے ہوئے جواب دیا، 'رنبیر اور مجھے کالا چشمہ کے اسٹیپس نہیں آتے تھے، لہذا ہمیں جو آتا تھا، ہم نے وہی کر ڈالا۔'
اس موقع پر شوجت سرکار، ویوین سینا، دینو موریا، ارمان جین، کرن مہرا، کرن واہی اور چند دیگر ٹی وی اسٹارز بھی موجود تھے۔
مزید خبریں :
اپنی موت کی پیشگوئی کرنے والا انفلوئنسر انتقال کرگیا
27 جون ، 2025
بالی وڈ میں کام کرنے کی کوئی خواہش نہیں: دلجیت دوسانجھ
27 جون ، 2025
