25 اپریل ، 2018 
مصطفیٰ کمال نے نئی مردم شماری کے نتائج سپریم کورٹ میں چیلنج کردیئے
25 اپریل ، 2018
کراچی: چیئرمین پی ایس پی مصطفیٰ کمال نے نئی مردم شماری کے نتائج کو سپریم کورٹ میں چیلنج کردیا۔
مصطفیٰ کمال کی جانب سے دائر درخواست میں ادارہ شماریات، وفاقی حکومت، چیئرمین نادرا اور دیگر کو فریق بنایا گیا ہے۔
جب کہ مصطفیٰ کمال نے درخواست میں مؤقف اختیار کیا ہےکہ نادرا ریکارڈ کے مطابق کراچی کی رجسٹرڈ آبادی 2 کروڑ 15 لاکھ ہے اور مردم شماری میں کراچی کی آبادی کو ایک کروڑ60 لاکھ ظاہر کیا گیا۔
درخواست میں کہا گیا ہے کہ کراچی کے بیشتر علاقوں کو مردم شماری میں شمار ہی نہیں کیا گیا، شہر کی آبادی دانستہ کم ظاہر کرکے جانبداری کا مظاہرہ کیا گیا جب کہ مردم شماری میں نادرا سے بھی مدد نہیں لی گئی۔
درخواست میں استدعا کی گئی ہے کہ مردم شماری کا تھرڈ پارٹی آڈٹ کرایا جائے، کراچی میں صوبائی اور قومی اسمبلی نشستوں میں اضافہ کیا جائے۔
