سویڈن کی شہزادی کو جنسی ہراساں کیے جانے کا انکشاف
01 مئی ، 2018
سویڈن کی شہزادی وکٹوریا کو جنسی طور پر ہراساں کیے جانے کا انکشاف ہوا ہے۔
فرانسیسی فوٹو گرافر پر شہزادی وکٹوریا کو ادب کا نوبیل انعام دینے والی کمیٹی کی تقریب میں جنسی ہراساں کیے جانے کا الزام عائد کیا جا رہا ہے۔
سویڈش میڈیا کے مطابق فرانسیسی فوٹو گرافر نے 2006 میں ہونے والی تقریب کے دوران شہزادی وکٹوریا کے ساتھ شرمناک انداز اپنایا، شہزادی وکٹوریا کو چھونے والے شخص کا ہاتھ شاہی ملازمین نے جھٹک دیا تھا۔
شہزادی کو مبینہ جنسی ہراساں کرنے والے فوٹر گرافر کی اہلیہ نوبیل اکیڈمی کی رکن ہے اور اس الزام کے بعد نوبیل انعام کی تقریب التواء کا شکار ہونے کا خدشہ ہے۔
سویڈش میڈیا کے مطابق شہزادی کو چھونے والے شخص پر 18 خواتین جنسی ہراساں کرنے کا الزام لگا چکی ہیں۔
دوسری جانب فرانسیسی فوٹو گرافر کے وکیل نے شہزادی وکٹوریا کو جنسی ہراساں کرنے کے الزام کو ساکھ تباہ کرنے کی سازش قرار دیا ہے۔
