05 مئی ، 2018 
رنگت کی خرابی اور ہیٹ اسٹروک سے بے خوف پاکستان کی خواتین کرکٹرز
05 مئی ، 2018
ملک کے بیشتر حصوں میں خشک اور گرم موسم کا راج ہے، لیکن پاکستان کی خواتین کرکٹرز شدید گرمی میں رنگت خراب ہونے اور ہیٹ اسٹروک کی پروا کیے بغیر اپنی صلاحیتوں کا اظہار کر رہی ہیں۔
گذشتہ روز کراچی کے نیشنل کرکٹ اسٹیڈیم میں جاری پی سی بی ویمن ٹی ٹوئنٹی کپ کے پانچویں میچ میں زرعی ترقیاتی بینک کی ٹیم نے ہائیر ایجوکیشن کی ٹیم کو 67 رنز سے شکست دی، جہاں ندا ڈار میچ کی بہترین کھلاڑی قرار پائیں۔
دونوں ویمن ٹیموں کی کھلاڑیوں نے سخت گرمی میں چہرے پر سن بلاک لگا کر اور نمکول پانی کا استعمال کرکے میچ کو مکمل کیا۔
جیو نیوز سے گفتگو میں خواتین کھلاڑیوں کا کہنا تھا کہ والدین کی پہلے سوچ ہوتی تھی کہ بیٹیوں کی رنگت کا خیال کرنا ہے، انہیں باہر نہیں نکلنے دینا چاہیے، لیکن اب ان کی سوچ تبدیل ہوگئی ہے تو بیٹیوں کی بھی سوچ تبدیل ہوگئی ہے۔
کھلاڑیوں نے بتایا کہ ان کے فٹنس ٹیسٹ بھی اسی گرمی کے موسم میں ہوئے ہیں اور وہ اب اس پر توجہ نہیں دیتیں کہ گرمی ہے یا سردی۔
ان باہمت کھلاڑیوں کا کہنا تھا کہ گرمی سے ہم بھی پریشان ہیں لیکن پروفیشنلزم یہی ہے کہ ہم اپنے آپ کو ثابت کریں۔
ان کا مزید کہنا تھا کہ گراؤنڈ میں ہمارے ذہن میں ایک ہی بات چل رہی ہوتی ہے کہ رنز بنانے ہیں، رنز روکنے ہیں اور اچھی کارکردگی کا مظاہرہ کرنا ہے۔
مزید خبریں :
پاکستان اور جنوبی افریقا کا آخری ون ڈے بارش کی نذر ہونیکا امکان
22 دسمبر ، 2024
پاکستان کے ٹی 20 اسکواڈ کو بہتر بنانے کیلئے بڑا فیصلہ کرلیا گیا
22 دسمبر ، 2024
پاکستان کے ٹی 20 اسکواڈ کو بہتر بنانے کیلئے بڑا فیصلہ کرلیا گیا
22 دسمبر ، 2024
معروف میکسیکن ریسلر 66 برس کی عمر میں چل بسے
22 دسمبر ، 2024
فراڈ کیس میں سابق بھارتی کرکٹر کے وارنٹ گرفتاری جاری
22 دسمبر ، 2024
