کانز فلم فیسٹیول میں دپیکا اور کنگنا کے جلوے

کانز فلم فیسٹول میں فیشن کے جلوے جاری—.

فرانس کے شہر کانز میں 71 واں سالانہ فلم فیسٹیول جاری ہے جس کے ریڈ کارپٹ پر بالی وڈ اداکارہ دپیکا پڈوکون اور کنگنا رناوٹ نے فیشن کے جلوے بکھیرے۔

 دپیکا پڈوکون نے گزشتہ برس کی طرح امسال بھی معروف میک اپ برانڈ لورئیل کی نمائندگی کی اور اپنے منفرد اسٹائل سے سب کی توجہ کا مرکز بن گئیں۔

انہوں نے ہمیشہ کی طرح  فیشن کے نئے انداز کا انتخاب کیا اور مختلف میک اپ اور ہیئر اسٹائلز کو اپنایا۔

اداکارہ نے کانز ریڈ کارپٹ پر جلوہ گر ہونے سے قبل ہی اپنے ہر اسٹائل کی تصاویر انسٹاگرام پر شیئر کیں جنہیں مداحوں کی جانب سے خوب پسند کیا گیا۔

کانز ریڈ کارپٹ میں بالی وڈ سے دپیکا پڈوکون کے علاوہ کنگنا رناوٹ، ملیکہ شراوت اور ہما قریشی بھی شریک ہیں۔ 

دپیکا پڈوکون کے کانز ریڈکارپٹ کے لیے مخلتف اسٹائلس—. انسٹاگرام تصاویر  

 کنگنا رناوٹ پہلی مرتبہ فیسٹیول میں شرکت کر رہی ہیں۔ انہوں نے جدید فیشن کے ساتھ ماضی کے فیشن کو بھی ترجیح دی۔

کنگنا رناوٹ نے سب سے پہلے ریڈ کارپٹ پر کالی ساڑھی زیب تن کی جس میں ان کا انداز 80 کی دہائی کے فیشن کا تھا۔ 


دپیکا پڈوکون اور کنگنا رناوٹ نے کانز ریڈ کارپٹ پر ایک ساتھ واک بھی کی اور ایک ہی ڈیزائنر زہیر مراد کا ڈیزائن کردہ لباس زیب تن کیا۔

دپیکا اور کنگنا ڈیزائنر زہیر مراد کے ڈیزائن کردی گاؤن میں ملبوس—.سوشل میڈیا فوٹو

اس فیسٹول میں اداکارہ ایشوریا رائے بچن اور سونم کپور بھی شرکت کریں گی جب کہ پاکستان سے اداکارہ ماہرہ خان شرکت کریں گی۔ 

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM