افطار میں فروٹ چاٹ کے بجائے فروٹ سلاد بنائیں

پھلوں میں وافر مقدار میں غذائیت موجود ہوتی ہے جو جسم کو تھکاوٹ، پانی کی کمی، معدہ کی خرابی، تیزابیت اور دیگر شکایات سے دور رکھتی ہے یہی وجہ ہے کہ افطار میں تلے بھنے کھانوں کے نسبت پھلوں کا استعمال زیادہ کرنا چاہیے۔

افطار میں عام طور پر ہر گھر میں فروٹ چاٹ بنتی ہے لیکن فروٹ سلاد کو زیادہ ترجیح نہیں دی جاتی حالانکہ فروٹ سلاد افادیت سے بھرپور ہوتی ہے۔

فروٹ سلاد بنانے کا طریقہ

اجزاء:

سیب۔۔۔۔۔۔۔۔1 کپ ( چھوٹے چکور ٹکڑے)

انناس۔۔۔۔۔۔۔۔1 کپ

اسٹرابیری۔۔۔۔۔۔1 کپ

الیچی۔۔۔۔۔۔۔1 کپ

کارنز۔۔۔۔۔۔۔۔1 کپ

آلو۔۔۔۔۔۔۔۔۔۔1 کپ (چھوٹے چکور ٹکڑے)

میکرونی۔۔۔۔۔۔۔۔1 کپ (ابلے ہوئے)

بند گوبھی۔۔۔۔۔۔۔1 عدد چھوٹی

مایونیز۔۔۔۔۔۔۔۔ ڈیڑھ کپ

کریم۔۔۔۔۔۔۔۔1 کپ

کیچپ۔۔۔۔۔۔ایک چائے کا چمچ 

چلی ساس۔۔۔۔ایک چائے کا چمچ

آئس شوگر(چینی)۔۔۔۔۔۔۔۔ایک سے ڈیڑھے چائے کا چمچ

کالی مرچ۔۔۔۔۔۔آدھے چائے کا چمچ

ترکیب:

سب سے پہلے میکرونیز کو ایک چھوٹی پتیلی میں ابال لیں اور پھر آلو کو ابال لیں۔ اس کے بعد بند گوبھی کو کاٹ لیں۔ 

پھر ایک بڑے کٹورے میں انناس، اسٹربیری ، الیچی، سیب، کورنز، آلو، میکرونی، مایونیز، کریم، کیچپ، چلی ساس، چینی، کالی مرچ سب ڈال کر مکس کرلیں۔

مکس کرنے کے بعد تھوڑی دیر فریج میں رکھ دیں پھر افطار میں ٹھنڈی فروٹ سلاد کو دسترخوان کی زینت بنائیں۔

نوٹ: 

فروٹ سلاد میں آپ مزید اپنے پسندیدہ پھل شامل کرسکتے ہیں۔