آصفہ بھٹو نے الیکشن لڑنے کے حوالے سے اپنا فیصلہ تبدیل کرلیا
12 جون ، 2018
سابق وزیراعظم بینظیر بھٹو کی صاحبزادی آصفہ بھٹو نے عام انتخابات میں حصہ لینے کے حوالے سے اپنا فیصلہ تبدیل کرلیا۔
ذائع کا کہنا ہے کہ آصفہ بھٹو عام انتخابات کے بجائے قومی اسمبلی کا ضمنی انتخاب لڑیں گی۔
بلاول بھٹو زرداری سندھ سے 2 نشستوں پر کامیان ہوئے تو انہیں ایک نشست سے دستبردار ہونا ہوگا اور آصفہ بھٹو پارٹی چیئرمین بلاول کی خالی کردہ نشست پر ہی ضمنی انتخابات لڑیں گی۔
ذرائع کے مطابق بلاول بھٹو زرداری دونوں نشستوں سے جیتنے پر لاڑکانہ کی سیٹ اپنے پاس رکھیں گےجبکہ آصفہ بھٹو لیاری کو اپنا حلقہ بنانا چاہتی ہیں اس لیے وہ لیاری سے ضمنی الیکشن لڑیں گی۔
آصفہ بھٹو کو لیاری کا حلقہ دینے کی وجہ سے انہیں عام انتخابات میں ٹکٹ نہیں دیا گیا۔
