27 جون ، 2018 
پاکستان
پولیس نے 4 گھنٹے بعد بچے کو تھانے سے رہا کیا—۔جیو نیوز اسکرین گریب
گجرانوالہ میں 'آوازیں کسنے' پر پولیس کا 10 سالہ بچے پر تشدد، ویڈیو منظرعام پر
27 جون ، 2018
گجرانوالہ: صوبہ پنجاب کے شہر گجرانوالہ میں آوازیں کسنے (ہوٹنگ) پر پولیس اہلکاروں نے ایک 10 سالہ بچے کو تشدد کا نشانہ بنا ڈالا، جس کی سی سی ٹی وی فوٹیج منظر عام پر آگئی۔
جیو نیوز کے مطابق گجرانوالہ کے علی پور چوک میں پولیس وین میں سوار اہلکاروں کو دیکھ کر ایک 10 سالہ بچے نے ہوٹنگ کی، جس پر تھانہ گرجاکھ کی پولیس وین میں سوار اہلکاروں نے بچے کو تشدد کا نشانہ بنایا۔
واقعے کی سی ٹی وی فوٹیج میں دیکھا جاسکتا ہے کہ متاثرہ بچہ روتے ہوئے ہاتھ جوڑ کر اپنی غلطی کی معافی مانگ رہا ہے۔
پولیس اہلکار بچے کو وین میں ڈال کر تھانے میں لے گئے، جہاں سے چار گھنٹوں بعد بچے کو رہا کردیا گیا۔
دوسری جانب سی پی او معین مسعود کا کہنا ہے کہ واقعے کی تحقیقات کی جا رہی ہیں۔