15 اگست ، 2018 
شعیب ملک کا ثانیہ مرزا کو یومِ آزادی کی مبارکباد دینے کا دلچسپ انداز
15 اگست ، 2018
پاکستانی کرکٹر شعیب ملک نے اپنی بھارتی اہلیہ اور ٹینس اسٹار ثانیہ مرزا کو دلچسپ انداز میں یومِ آزادی کی مبارک باد دی۔
شعیب ملک نے ٹوئٹر پر اپنے پیغام میں لکھا، ’پوری دنیا کے بھارتیوں کو آزادی مبارک ہو، خاص طور پر اُس ایک کو، جو گھر پر ہے‘۔
یوں تو شعیب ملک نے ثانیہ مرزا کا نام نہیں لکھا، لیکن گھر کے اشارے سے واضح کردیا کہ وہ اپنی اہلیہ کو خصوصی طور پر مخاطب کر رہے ہیں۔
جس پر ثانیہ مرزا نے 'Awe' لکھ کر اس پر صرف محبت کا اظہار کیا۔
یاد رہے کہ گذشتہ روز ثانیہ مرزا نے بھی پاکستانی مداحوں اور دوستوں کو ٹوئٹر پر یومِ آزادی کی مبارک باد پیش کی تھی، جس کے آخر میں انہوں نے منجانب ’انڈین بھابھی‘ لکھا تھا۔
اس سے قبل گزشتہ روز پاکستان کے یومِ آزادی پر ایک بھارتی ٹوئٹر صارف نے ثانیہ پر طنز کرتے ہوئے کہا تھا کہ 'آپ کا آزادی کا دن آج ہے ناں'۔
جس پر ثانیہ مرزا نے مذکورہ صارف کو کرارہ جواب دیتے ہوئے لکھا، ’ جی نہیں! میرا اور میرے ملک کا یوم آزادی کل (15 اگست) ہے، اور میرے شوہر اور ان کے ملک کا یوم آزادی آج (14 اگست) ہے۔ امید کرتی ہوں آپ کی کنفیوژن دور ہوگئی ہوگی'۔
ساتھ ہی ثانیہ نے طنز کرتے ہوئے پوچھا، 'ویسے آپ کا یومِ آزادی کب ہے؟ کیونکہ آپ کافی کنفیوژ لگتے ہیں‘۔
مزید خبریں :
سلیکشن کمیٹی کے بعد محمد یوسف کوچنگ سے بھی الگ ہوگئے
8 گھنٹے پہلے
آسٹریلیا نے دوسرے ٹی ٹوئنٹی میں پاکستان کو 13 رنز سے شکست دے دی
16 نومبر ، 2024
