Can't connect right now! retry

پاکستان
29 اگست ، 2018

مولانا فضل الرحمان کی ایم کیو ایم اور فکشنل لیگ کی قیادت سے ملاقاتیں

متحدہ مجلس عمل کے صدر مولانا فضل الرحمان پیپلز پارٹی کے سوا دیگر تمام اپوزیشن جماعتوں کے مشترکہ صدارتی امیدوار ہیں— فوٹو: فیس بک اکاؤنٹ 

کراچی: متحدہ مجلس عمل اور جمعیت علمائے اسلام (ف) مولانا فضل الرحمان نے صدارتی انتخابات میں حمایت کے لیے مسلم لیگ فکشنل اور ایم کیو ایم کے رہنماؤں سے ملاقات کی ہے۔

اپوزیشن جماعتوں کے صدارتی امیدوار مولانا فضل الرحمان نے فکشنل لیگ کے رہنما صدر الدین شاہ راشدی سے ملاقات میں ملک کی سیاسی صورتحال اور صدارتی انتخابات میں حمایت کے لیے تبادلہ خیال کیا گیا۔ 

ملاقات کے بعد میڈیا سے گفتگو کرتے ہوئے فکشنل لیگ کے رہنما صدر الدین شاہ راشدی کا کہنا تھا کہ مولانا فضل الرحمان کی بات گرینڈ ڈیمو کریٹک الائنس کے سامنے رکھیں گے۔

اس موقع پر مولانا فضل الرحمان کا کہنا تھا کہ گنگری ہاؤس ہماری امیدوں کا گھر ہے اور اس امید کے ساتھ آئے کہ ان کی دعائیں اور تائید ملے گی۔

انہوں نے کہا کہ متحدہ اپوزیشن نے مجھے منصب صدارت کے لیے امیدوار بنایا ہے اور یہاں سے مطمن ہو کر جا رہا ہوں۔

ان کا کہنا ہے کہ تحریک انصاف بڑی جماعت تو ہے لیکن ان کے پاس اکثریت نہیں ہے جب کہ صدارت کے الیکشن کے مرحلے میں پیپلز پارٹی اور مسلم لیگ ن میں کچھ ٹینشن پیدا ہو گئی اور مسلم لیگ نے اسی لیے میرا نام دیا کہ پیپلز پارٹی کے لئے قابل قبول ہو۔

دوسری جانب مولانا فضل الرحمان نے متحدہ قومی موومنٹ کے عارضی مرکز بہادر آباد میں ایم کیو ایم کی قیادت سے ملاقات کی جس میں عامر خان، کنور نوید جمیل، وسیم اختر اور فیصل سبزواری بھی شریک تھے۔ 

ملاقات میں ملکی سیاسی صورتحال اور صدارتی انتخابات کے حوالے سے گفتگو کی گئی۔

یا رہے کہ 4 ستمبر کو ہونے والے صدارتی انتخاب کے لیے مولانا فضل الرحمان نے اپنے وکیل کے ذریعے کاغذات نامزدگی جمع کرائے جب کہ نامزدگی فارم جمع کرانے والوں میں پیپلز پارٹی کے اعتزاز احسن اور تحریک انصاف کے ڈاکٹر عارف علوی بھی شامل ہیں۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM