Can't connect right now! retry

پاکستان
31 اگست ، 2018

شہریار آفریدی نے وزیر مملکت برائے داخلہ کے عہدے کا حلف اٹھا لیا

شہریار آفریدی کے عہدے کا حلف اٹھانے کے بعد وزیراعظم عمران خان کی کابینہ میں وزراء کی تعداد 17 ہوگئی — فوٹو: پی آئی ڈی

اسلام آباد: وفاقی کابینہ میں ایک وزیر کا اضافہ ہوگیا اور شہریار آفریدی نے وزیر مملکت برائے داخلہ کے عہدے کا حلف اٹھا لیا۔

وزیراعظم عمران خان کی کابینہ 16 وزرا اور 5 مشیروں پر مشتمل ہیں جن میں ایک وزیر کاا ضافہ ہوا ہے جس کے بعد کابینہ کا حجم 22 رکنی ہوگیا ہے۔

وزیراعظم نے گزشتہ دنوں وزارتِ داخلہ کے امور دیکھنے کے لیے شہریار آفریدی کو وزیر مملکت برائے داخلہ مقرر کیا تھا جنہوں نے اپنے عہدے کا حلف اٹھا لیا ہے۔

ایوان صدر میں حلف برداری کی سادہ تقریب ہوئی جہاں صدر مملکت ممنون حسین نے شہریار آفریدی سے حلف لیا جب کہ تقریب میں وزرا بھی موجود تھے۔

شہریار آفریدی کے عہدے کا حلف اٹھانے کے بعد عمران خان کی کابینہ میں وزراء کی تعداد 17 ہوگئی ہے۔ 

یاد رہے کہ گزشتہ دنوں وزارت داخلہ حکام نے وزیراعظم کو داخلہ امور پر بریفنگ دی تھی جب کہ بریفنگ میں شہریار آفریدی کو خصوصی طور پر مدعو کیا گیا تھا۔

گزشتہ روز وزیر اعظم عمران خان کے دورہ جنرل ہیڈ کوارٹر (جی ایچ کیو) میں بھی شہریار خان آفریدی ان کے ہمراہ تھے۔

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM