17 ستمبر ، 2018 
پاکستان
بارہ مئی کے مقدمات سے ایم کیو ایم کا کوئی تعلق نہیں: عامر خان_ فوٹو/ فائل
سمندر پارپاکستانیوں کی وزارت ہمیں ملے گی، امین الحق وزیر ہونگے: عامر خان
17 ستمبر ، 2018
کراچی: ایم کیوایم کے رہنما عامر خان کا کہنا ہےکہ سمندر پار پاکستانیوں کی وزارت ایم کیوایم کو ملے گی جس کے لیے امین الحق کا نام ہے۔
سندھ ہائیکورٹ کے باہر میڈیا سے غیر رسمی گفتگو کرتے ہوئے عامر خان نے کہاکہ گزشتہ روز وزیراعظم سے کراچی کے مسائل پر تفصیلی گفتگو ہوئی ہے، کس کولالی پاپ دیا ہے مجھے معلوم نہیں البتہ وزیراعظم نے ہمیں کوئی لالی پاپ نہیں دیا۔
ایم کیوایم رہنما کا کہنا تھاکہ سمندر پار پاکستانی کی وزارت ایم کیو ایم کو ملے گی اور تیسری وزارت کے لیے امین الحق کا نام ہے۔
ایک سوال کے جواب میں عامر خان نے کہا کہ بارہ مئی کے مقدمات سے ایم کیو ایم کا کوئی تعلق نہیں۔
