02 اکتوبر ، 2018 
پاکستان
—فوٹو: فائل
جہیز میں آئی بھینسیں فروخت نہ کرنے پر شوہر نے بیوی کو قتل کردیا
02 اکتوبر ، 2018
سرگودھا کے نواحی گاؤں میں جہیز میں لائی بھینسیں فروخت نہ کرنے پر شوہر نے فائرنگ کرکے بیوی کو قتل کردیا۔
پولیس ذرائع کے مطابق سرگودھا کے نواحی گاؤں چھبر میں مبینہ طور پر عبدالرحمن نامی ملزم کا اپنی بیوی نسبت بی بی کے ساتھ گھر میں موجود بھینسوں کے مسئلے پر جھگڑا رہتا تھا۔
عبدالرحمن کی خواہش تھی کہ گھر میں موجود بھینسیں فروخت کردی جائیں جبکہ نسبت بی بی جہیز میں لائی بھینسیں فروخت نہیں کرنا چاہتی تھی۔
بھینسوں کے مسئلے پر دوبارہ جھگڑا ہوا تو ملزم نے طیش میں آکر بیوی کو فائرنگ کرکے قتل کردیا اور خود فرار ہو گیا۔
پولیس کا کہنا ہے کہ ملزم کی گرفتاری کے لیے چھاپے مار رہے ہیں۔
