Can't connect right now! retry

پاکستان
09 اکتوبر ، 2018

ڈیرہ اسماعیل خان: شادی میں ہوائی فائرنگ سے 2 افراد جاں بحق

پولیس کے مطابق فائرنگ کرنے والوں کی تلاش جاری ہے اور انہیں جلد گرفتار کرلیا جائے گا—۔فائل فوٹو

ڈیرہ اسماعیل خان: صوبہ خیبرپختونخوا کے شہر ڈیرہ اسماعیل خان میں ایک شادی کی تقریب میں ہوائی فائرنگ سے 2 افراد جاں بحق ہوگئے۔

پولیس کے مطابق تھانہ صدر کی حدود میں بڈھ کے علاقے میں اکرام نامی نوجوان کی شادی کی تقریب میں ہوائی فائرنگ کی جا رہی تھی کہ فائرنگ کی زد میں آکر 2 افراد زخمی ہوگئے۔

زخمی نوجوانوں کو ڈیرہ اسماعیل خان کے ڈی ایچ کیو اسپتال منتقل کیا جارہا تھا کہ وہ زخموں کی تاب نہ لاتے ہوئے راستے میں ہی دم توڑ گئے۔

جاں بحق ہونے والوں کی شناخت 21 سالہ عامر سہیل اور 22 سالہ محمد سعید کے نام سے کی گئی۔

 رات گئے تک کسی قسم کی گرفتاری عمل میں نہیں آسکی تھی تاہم ڈسٹرکٹ پولیس آفیسر ظہور بار آفریدی کا کہنا تھا کہ فائرنگ کرنے والوں کی تلاش جاری ہے اور انہیں جلد گرفتار کرلیا جائے گا۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM