08 نومبر ، 2018 
بالی وڈ جوڑی رنویراور دپیکا نے شادی کے دعوت ناموں کی تقسیم شروع کردی
08 نومبر ، 2018
ممبئی: بالی وڈ کی معروف اداکارہ دپیکا پڈوکون اور رنویر سنگھ کی شادی کی تیاریاں عروج پر ہیں اور اب جوڑے نے شادی کی تقریب کے لیے دعوت ناموں کی تقسیم بھی شروع کردی۔
دپیکا اور رنویر کی شادی 14 اور 15 نومبر کو ہونی ہے جس کے لیے ان کے ساتھی اداکاروں کی جانب سے مبارکبادوں کا سلسلہ بھی جاری ہے۔
جوڑے کو گزشتہ روز ہدایتکار سنجے لیلا بھنسالی کی رہائشگاہ پر دیکھا گیا جہاں وہ اپنی شادی کا کارڈ دینے گئے تھے۔
32 سالہ دپیکا اور 33 سالہ رنویر نے شادی کے کارڈز روایتی ہندی اور انگریزی زبان میں چھپوائے ہیں اور اس کی تقسیم کے فرائض بھی خود ہی انجام دے رہے ہیں۔
دونوں کی شادی سے قبل کی تقریبات جاری ہیں اور وقتاً فوقتاً تصاویر بھی سوشل میڈیا پر وائرل ہورہی ہیں، حال ہی میں رنویر سنگھ کی چہرے پر مہندی لگی تصاویر منظرعام پر آئیں جس میں انہیں بالکونی میں خوشگوار موڈ میں دیکھا جاسکتا ہے۔
یاد رہے کہ دپیکا اور رنویر سنگھ کی جوڑی پہلی مرتبہ سنجلے لیلا پھنسالی کی فلم 'رام لیلا' میں منظرعام پر آئی تھی جس کے بعد اس جوڑی نے سال کی بلاکس بسٹر فلم 'پدماوتی' میں بھی زبردست اداکاری کے جوہر دکھائے۔
مزید خبریں :
پاکستانی گلوکار مجھ سے جلتے ہیں:چاہت فتح علی خان
26 نومبر ، 2024
میرے نزدیک دوستی ضروری، شادی بیکار کام ہے: جاوید اختر
25 نومبر ، 2024
