14 نومبر ، 2018 
بھارت میں مسلمان خواتین اسکول ٹیچرز کو حجاب اتارنے پر مجبور کیا جانے لگا
14 نومبر ، 2018
لکھنؤ: بھارتی ریاست اتر پردیش میں ایک خاتون مسلمان اسکول ٹیچر نے حجاب اتارنے پر مجبور کرنے پر استعفی دیدیا۔
بھارتی ریاست اتر پردیش کے دارالحکومت لکھنؤ کے ایک اسکول میں ٹیچر فاطمہ حسن کو اسکول منیجمنٹ کی جانب سے کہا گیا کہ یا تو حجاب اتار دیں یا پھر استعفیٰ دیدی کیونکہ حجاب کی وجہ سے اسکول انتظامیہ کو تقصان ہو رہا ہے۔
بھارتی میڈیا کے مطابق فاطمہ حسن متعلقہ اسکول میں ایک سال سے انگریزی پڑھا رہی تھیں اور وہ ہمیشہ سے حجاب استعمال کرتی تھیں لیکن کبھی بھی اسکول انتظامیہ کی جانب سے اس بات پر اعتراض نہیں کیا گیا۔
گزشتہ ماہ اسکول پرنسپل نے فاطمہ حسن سے کہا کہ آپ کو حجاب کے بغیر اسکول میں بچوں کو پڑھانا ہوگا کیونکہ آپ کے حجاب کی وجہ سے اسکول کو خسارے کا سامنا کرنا پڑ رہا ہے۔
فاطمہ حسن نے 3 نومبر کو اپنا استعفیٰ اسکول انتظامیہ کو پیش کیا جس میں انہوں نے لکھا کہ انہیں حجاب اتار کر ملازمت کرنا منظور نہیں ہے اس لیے وہ استعفیٰ دے رہی ہیں۔
مزید خبریں :
حزب اللہ کے راکٹ حملے میں اسرائیلی شہری ہلاک
20 منٹ پہلے
