28 نومبر ، 2018 
مبینہ جعلی اکاؤنٹس کی تحقیقات: جے آئی ٹی نے بلاول کو سوالنامہ بھیج دیا
28 نومبر ، 2018
مبینہ جعلی اکاؤنٹس کیس کی تحقیقات کے سلسلے میں قائم ہونے والی مشترکہ تحقیقاتی ٹیم کا کہنا ہے کہ چیئرمین پیپلز پارٹی کو طلب نہیں کیا گیا بلکہ فی الحال صرف سوالنامہ جاری کیا گیا ہے۔
ذرائع جے آئی ٹی کے مطابق بلاول کو سوال نامے کا جواب دینے کیلیے 2 روز کا وقت دیا گیا ہے اور بلاول بھٹو زرداری کی قانونی ٹیم 2 دن میں سوالنامے کا جواب دے گی۔
ذرائع کے مطابق سابق صدرآصف زرداری، فریال تالپور (آج) بدھ کو جے آئی ٹی کے سامنے پیش ہوں گے۔
جے آئی ٹی ذرائع کا کہنا ہے کہ نبلاول بھٹو زرداری کو فی الحال بلانے کی ضرورت نہیں ہے جبکہ جے آئی ٹی آصف زرداری اور فریال تالپور کو سوالنامہ پہلے جاری کرچکی ہے۔
ذرائع پیپلز پارٹی کا کہنا ہے کہ بلاول بھٹو کو سوالنامہ ان کے سخت مؤقف کی وجہ سے جاری کیا گیا۔
