11 دسمبر ، 2018 
سندھ میں سی این جی اسٹیشنز کو غیر معینہ مدت کیلئے گیس کی فراہمی بند
11 دسمبر ، 2018
کراچی: سندھ میں گیس کا بحران سنگین صورت اختیار کرگیا۔
ترجمان سوئی سدرن کے مطابق سندھ بھر میں سی این جی اسٹیشنز کو غیر معینہ مدت تک گیس بند رکھنے کا فیصلہ کیا گیا ہے جب کہ بجلی پیدا کرنے والی صنعتوں کو بھی گیس کی فراہمی بند کردی گئی ہے۔
سوئی سدرن حکام کا کہنا ہےکہ سندھ میں تین گیس فیلڈز بند ہیں جس کے باعث صوبے میں گیس کا بحران سنگین ہوگیا ہے۔
سی این جی ایسوسی ایشن کا احتجاج کا فیصلہ
دوسری جانب سی این جی ایسوسی ایشن کے نمائندوں نے سوئی سدرن کے فیصلے پر کل اس کے دفتر کے سامنے احتجاج کا فیصلہ کیا ہے۔
نمائندہ سی این جی ایسوسی ایشن کا کہنا ہےکہ گیس کی فراہمی میں آئے دن کا ناغہ ختم کیا جائے، اگر گیس فراہم نہ کی گئی توشارع فیصل بلاک کریں گے۔
ماہرین کا کہناہےکہ سندھ میں پہلی بار مسلسل تیسرے روز سی این جی بند کی گئی ہے۔
گھریلو صارفین بھی گیس کی کمی سے پریشان
علاوہ ازیں سندھ بھر میں گیس کے بحران کے باعث کراچی میں گھریلو صارفین کو بھی گیس کی فراہمی میں پریشانی کا سامنا ہے۔
شہر کے مختلف علاقوں میں پورا دن گیس کا پریشر نہ ہونے کے برابر ہے جس سے خواتین کو مشکلات درپیش ہیں۔
مزید خبریں :
پاکستان میں مقامی سطح پر موبائل مینوفیکچرنگ میں کمی
25 دسمبر ، 2024
گیس کی پیداوار میں کمی، 4 ماہ میں 53 ارب روپے کا نقصان
25 دسمبر ، 2024
انٹربینک میں ڈالر سستا ہوگیا
24 دسمبر ، 2024
ملک میں سونا سینکڑوں روپے سستا ہوگیا
24 دسمبر ، 2024
انٹربینک میں ڈالر مہنگا ہوگیا
23 دسمبر ، 2024
ملک میں فی تولہ سونےکی قیمت کتنی ہے؟
23 دسمبر ، 2024
