12 دسمبر ، 2018 
بہاء الدین ذکریا یونیورسٹی کے پروفیسر کے اغواء میں طلبہ ہی ملوث نکلے
12 دسمبر ، 2018
ملتان کی بہاء الدین ذکریا یونیورسٹی کے شعبہ فارسٹری (جنگلات) کے پروفیسر واصف نعمان کو اغواء کے فوراً بعد بازیاب کرا لیا گیا۔
پولیس کے مطابق اسسٹنٹ پروفیسر ڈاکٹر واصف کو نامعلوم کار سوار ملتان پبلک اسکول روڈ سے اغوا کرکے لے گئے تھے جس پر طلبا نے یونیورسٹی کے گیٹ پر احتجاجی مظاہرہ بھی کیا۔
پولیس نے فوری کارروائی کرتے ہوئے پروفیسر واصف کے اغواء میں ملوث تین افراد کو ایک گاڑی سے حراست میں لے لیا جو یونیورسٹی کے ہی طالبعلم تھے۔
پولیس کا کہنا ہے کہ گرفتار طالبعملوں نے استاد کے اغواء کا اعتراف کیا جس کے بعد پروفیسر واصف کو بازیاب کرایا گیا۔ اس کیس میں مزید 2 طالبعلموں کو بھی گرفتار کیا گیا۔
پولیس کے ترجمان کے مطابق تھانہ بی زیڈ میں اغوا کا مقدمہ درج کرکے 5 گرفتار ملزمان سے مزید تفتیش کی جارہی ہے۔
مزید خبریں :
سندھ حکومت نے 5 فروری کو عام تعطیل کا اعلان کردیا
5 گھنٹے پہلے
کراچی میں کل سے سردی کی شدت میں اضافے کا امکان
7 گھنٹے پہلے
