06 جنوری ، 2019 
رشی کپور کے کینسر میں مبتلا ہونے کی افواہیں درست ثابت ہوگئیں؟
06 جنوری ، 2019
بالی وڈ کے معروف اداکار رشی کپور کی اہلیہ نیتو سنگھ نے شوہر کے کینسر کے مرض میں مبتلا ہونے کی جانب اشارہ کیا ہے جس کے بعد ان کی بیماری سے متعلق خبریں ایک بار پھر گرم ہوگئی ہیں۔
رشی کپور گزشتہ 3 ماہ سے امریکا میں مقیم ہیں جہاں وہ بیماری کا علاج کرا رہے ہیں جب کہ زیر علاج ہونے کے باعث وہ اپنی والدہ کی آخری رسومات میں بھی شرکت نہیں کرسکے تھے۔
لیجنڈ اداکار کی بیماری سے متعلق متعدد افواہیں سرگرم تھیں لیکن اب ان کی اہلیہ نیتو سنگھ نے اشارتاً رشی کپور کی بیماری سے متعلق انکشاف کیا ہے۔
نیتو سنگھ، رنبیر کپور اور عالیہ بھٹ سمیت تمام فیملی نے نئے سال کا جشن رشی کپور کے ساتھ نیویارک میں منایا اور اس خوشی کا اظہار نیتو سنگھ نے مداحوں سے انسٹا گرام پر پوسٹ شیئر کرکے کیا۔
نیتو سنگھ نے فیملی کی تصویر پوسٹ کرتے ہوئے لکھا کہ سال 2019 سب کو مبارک ہو، اس سال کوئی عہد نہیں بلکہ صرف دعائیں ہیں، امید کرتی ہوں کہ مستقبل میں کینسر محض (سرطان) کی طرح ایک آسمانی برج ہی رہ جائے، نفرت کا پرچار نہ ہو اور غربت کا خاتمہ ہو، ڈھیروں پیار اور خوشیاں اور سب سے ضروری بہترین صحت بھی ہو۔
نیو کپور کی جانب سے شیئر کی جانے والی تصویر میں بھی رشی کپور پہلے سے کمزور اور مرجھائے ہوئے نظر آئے جس کے بعد ایک بار پھر رشی کپور کی بیماری سے متعلق چہ مگوئیاں شروع ہوگئی ہیں۔
مزید خبریں :
امریکی اداکار جان کراسنسکی سال 2024 کے پرکشش مرد قرار
13 نومبر ، 2024
امیتابھ بچن کا نمرت کور کو لکھا گیا خط وائرل، خط میں کیا لکھا؟
13 نومبر ، 2024
سلمان خان کو دھمکی دے کر 5 کروڑ مانگنے والا نغمہ نگار گرفتار
13 نومبر ، 2024
