07 فروری ، 2019 
نیب نے جعلی اکاؤنٹس کیس کی تحقیقات کیلئے کمبائنڈ انویسٹی گیشن ٹیم تشکیل دے دی
07 فروری ، 2019
قومی احتساب بیورو (نیب) جعلی اکاؤنٹس کیس کی تحقیقات کیلئے کمبائنڈ انویسٹی گیشن ٹیم تشکیل دے دی، سربراہی ڈی جی نیب راولپنڈی کریں گے جبکہ چیئرمین نیب جسٹس ریٹائرڈ جاوید اقبال کمبائنڈ انویسٹی گیشن ٹیم کی براہ راست نگرانی کریں گے۔
چیئرمین نیب جسٹس ریٹائرڈ جاوید اقبال کی زیر صدارت اجلاس ہوا جس میں جعلی اکاؤنٹس کیس کے حوالے سے سپریم کورٹ کے فیصلے پر غور کیا گیا۔
اجلاس میں جعلی اکاؤنٹس کیس کی تحقیقات کیلئے کمبائنڈ انویسٹی گیشن ٹیم تشکیل دے دی گئی، ٹیم کی سربراہی ڈی جی نیب راولپنڈی کریں گے۔
نیب ترجمان کا کہنا ہے کہ جعلی اکاؤنٹس کیس پر قائم سی آئی ٹی نے کام شروع کردیا ہے، ٹیمیں نیب ہیڈ کوارٹرز اور کراچی پہنچ کر شواہد کی بنیاد پر بیانات ریکارڈ کریں گی۔
چیئرمین نیب نے سپریم کورٹ کے فیصلے پر من وعن عمل کرنے کی ہدایت کی ہے۔ نیب چئیرمین نے کہا کہ نیب قانون، ٹھوس شواہد پر تحقیقات کو منطقی انجام تک پہنچانے پر یقین رکھتا ہے۔
