شہباز شریف کی ضمانت کی درخواستوں پربینچ تبدیلی کی نیب کی درخواست مسترد
11 فروری ، 2019
لاہور: ہائیکورٹ نے مسلم لیگ (ن) کے صدر شہباز شریف کی ضمانت کی درخواستوں پر بینچ کی تبدیلی کی نیب کی درخواست مسترد کردی۔
چیف جسٹس لاہور ہائیکورٹ سردار محمد شمیم خان نے نیب کی درخواست پر سماعت کی اور فیصلہ محفوظ کیا۔
عدالت نے مختصر فیصلہ سناتے ہوئے نیب کی جانب سے شہباز شریف کی ضمانت کی درخواستوں کی سماعت کرنے والے بینچ کی تبدیلی کی درخواست مسترد کردی۔
نیب نے مؤقف اختیار کیا تھا کہ شہباز شریف کی درخواست ضمانت پر جسٹس ملک شہزاد کی سربراہی میں 2 رکنی بینچ سماعت کررہا ہے اور موجودہ بینچ درخواست ضمانت پر سماعت نہیں کرسکتا۔
نیب کا مؤقف تھا کہ جسٹس علی باقر نجفی کی سربراہی میں بینچ کیس میں شریک ملزمان کی ضمانت کی درخواستیں مسترد کرچکا ہے اس لیے شہباز شریف کی درخواست ضمانت جسٹس علی باقر نجفی پر مشتمل بینچ کو بھجوائی جائے۔
یاد رہے کہ نیب نے قومی اسمبلی میں قائد حزب اختلاف اور مسلم لیگ (ن) کے صدر شہباز شریف کو آشیانہ اقبال ہاؤسنگ اسکینڈل میں اختیارات کے ناجائز استعمال کے جرم میں گرفتار کیا تھا اور وہ عدالتی ریمانڈ پر جیل میں ہیں۔
x Advertisement
مزید خبریں :
انٹرنیٹ حکومت اور ٹویٹر اپوزیشن
17 منٹ پہلے
عمران فوراً اپنے پارٹی کارکنوں سے رجوع کریں
26 منٹ پہلے
پہلے زینب، اب نور اور نجانے کتنی اور
44 منٹ پہلے
فواد حسن فواد کی نظم
51 منٹ پہلے
ع سے عمران کا عروج
1 گھنٹے پہلے
امریکی صدر کی بیٹی کی وزیراعظم عمران خان سے ملاقات
9 گھنٹے پہلے
آصف علی زرداری کی صحت سے متعلق رپورٹ سامنے آگئی
11 گھنٹے پہلے
'نیب نے اگر خود سزائیں دینی ہیں تو ہم عدالتیں بند کر دیتے ہیں'
22 جنوری ، 2020
اب پاکستان اور امریکا کے تعلقات باوقار ہیں: وزیراعظم عمران خان
22 جنوری ، 2020
