چین کے دو تعمیراتی گروپ پاکستان میں 2 ارب ڈالرز کی سرمایہ کاری کریں گے

فائل فوٹو

کراچی:چین کی کنسٹرکشن انڈسٹری مشینری فراہم کرنے والی نمبر ون کمپنی ایکس سی ایم جی نے پاکستان میں مینوفیکچرنگ پلانٹ لگانے پر آمادگی ظاہر کردی۔

وزیراعظم عمران خان سے ایکس سی ایم جی کے گلوبل سیلزصدر اور ایچ ایس ایس گروپس کے چیئرمین نے ملاقات کی اور دونوں گروپوں نے پاکستان میں ہاؤسنگ اور مینوفیکچرنگ سیکٹر میں 2 ارب ڈالر کی سرمایہ کاری کی یقین دہانی کرائی ہے جب کہ ایکس سی ایم جی نے پاکستان میں مینوفیکچرنگ پلانٹ لگانے پر بھی آمادگی کا اظہار کیا ہے۔

ایکس سی ایم جی چین کی کنسٹرکشن انڈسٹری مشینری فراہم کرنے والی نمبر ون کمپنی ہے جس نے وزیراعظم کے 50 لاکھ گھروں کے منصوبے میں شامل ہونے کی خواہش بھی ظاہر کی ہے۔

وزیراعظم عمران خان نے ایکس سی ایم جی کمپنی کو خوش آمدید کہتے ہوئے کہا کہ پاکستان میں سرمایہ کاروں کے تحفظ اور بزنس دوست ماحول کی فراہمی حکومت کی ترجیح ہے، 50 لاکھ گھروں کے منصوبے سے انڈسٹری اور نوجوان طبقے کے لیے نئے مواقع نکلیں گے۔