08 مارچ ، 2019 
پاکستان
ڈیجیٹل اشتہار کاری اور ای کامرس سے 23 کروڑ روپے کی وصولی کی گئی ہے، سندھ ریونیو بورڈ۔ فوٹو: فائل
سندھ حکومت نے فیس بک، یوٹیوب اور گوگل سے بھی ٹیکس وصول کر لیا
08 مارچ ، 2019
کراچی: سندھ ریونیو بورڈ (ایس آر بی) نے سماجی رابطے کی ویب سائٹ فیس بک، یوٹیوب اور دنیا کے سب سے بڑے سرچ انجن گوگل سے ٹیکس وصول کر لیا۔
سندھ ریونیو بورڈ نے فیس بک، یوٹیوب اور گوگل سے بھاری سیلز ٹیکس کی وصولی کی ہے۔
سندھ ریونیو بورڈ کے مطابق ڈیجیٹل اشتہار کاری اور ای کامرس سے 23 کروڑ روپے کی وصولی کی گئی ہے۔
بورڈ کا کہنا ہے کہ جولائی تا دسمبر ٹیکس وصولی 23 کروڑ 10 لاکھ رہی ہے تاہم مستقبل میں ڈیجیٹل اشتہار کاری سے حاصل سیلز ٹیکس میں بڑے اضافے کا امکان ہے۔
