13 مارچ ، 2019
محکمہ تعلیم خیبر پختونخوا نے پشاور کے اسکولز میں اساتذہ اورطلباء پر درس وتدریس کے اوقات میں موبائل فونز استعمال کرنے پر پابندی عائد کر دی۔
ضلعی ایجوکیشن آفیسر کی جانب سے جاری اعلامیہ کے مطابق پشاور کے اسکولز میں درس وتدریس کے دوران اساتذہ اور طلبا کے موبائل فون استعمال کرنے پر پابندی ہوگی۔
اعلامیہ کے مطابق اساتذہ اسمبلی کے آغاز سے قبل اپنے موبائل فونز متعلقہ پرنسپل یا ہیڈ ماسٹر کے پاس جمع کروائیں گے۔
طلبا اپنے موبائل فونز بند کرکے متعلقہ ٹیچرز کے پاس جمع کروائیں گے اور گھر جاتے ہوئے موبائل فونز لے جائیں گے۔