27 مارچ ، 2019 
وزیراعظم عمران خان نے کرکٹ کی بہتری کیلئے پی سی بی کے تمام پلان مسترد کردیے
27 مارچ ، 2019
اسلام آباد: وزیراعظم عمران خان نے کرکٹ کی بہتری کیلئے پاکستان کرکٹ بورڈ کے تمام پلان مسترد کردیے۔
وزیراعظم عمران خان کی زیرصدارت کرکٹ کی بہتری کیلئے اجلاس ہوا جس میں چیئرمین پاکستان کرکٹ بورڈ احسان مانی اور سیکریٹری آئی پی سی اکبردرانی سمیت دیگر حکام نے شرکت کی۔
اجلاس میں کرکٹ کی موجودہ صورتحال اور ملک میں کرکٹ کے تنظیمی ڈھانچے پر بات چیت کی گئی جب کہ ملکی ٹیلنٹ کو اجاگر کرنےکے سلسلے میں کیے جانے والے اقدامات کا بھی جائزہ لیاگیا۔
اجلاس میں ہارون رشید کی جانب سے بریفنگ شروع کرنے پر وزیراعظم نے تبصرہ کیا کہ انہوں نے 40 سال کرکٹ کھیلی ہے، اس لیے کرکٹ پر بریفنگ نہ دیں، اگر کرکٹ ٹھیک کرنی ہے تو مصلحتوں سے باہر آئیں۔
ان کا کہنا تھا کہ کسی سسٹم نے بھی پاکستان کرکٹ کو بہتر نہیں کیا، کھلاڑی صرف غیرمعمولی ٹیلنٹ پر آگے آتے ہیں اور سسٹم ان کی سپورٹ نہیں کرتا، یہ کونسا سسٹم ہےکہ پی ایس ایل جیتنے والی کوئٹہ کی ٹیم میں ایک بھی مقامی کھلاڑی نہیں تھا۔
وزیراعظم عمران خان نے آسٹریلیا کی طرز پر فرسٹ کلاس کرکٹ کی صرف 6 ٹیمیں بنانے کی ہدایت کرتے ہوئے کہا کہ پنجاب سے دو ٹیمیں بنا کر باقی صوبوں سے ایک ایک ٹیم بنائی جائے۔
ان کا کہنا ہے کہ جوسسٹم میں بتا رہا ہوں اس سے پاکستان کا مقابلہ دنیا کی کوئی ٹیم نہیں کرسکتی۔
مزید خبریں :
’چیتا‘ قرار دیدیا، بابراعظم بھی اوپنر صائم ایوب کے مداح ہوگئے
23 دسمبر ، 2024
پاکستان اور جنوبی افریقا کا آخری ون ڈے بارش کی نذر ہونیکا امکان
22 دسمبر ، 2024
پاکستان کے ٹی 20 اسکواڈ کو بہتر بنانے کیلئے بڑا فیصلہ کرلیا گیا
22 دسمبر ، 2024
پاکستان کے ٹی 20 اسکواڈ کو بہتر بنانے کیلئے بڑا فیصلہ کرلیا گیا
22 دسمبر ، 2024
