30 مارچ ، 2019 
پاکستان میں کسی قسم کی مسلح تنظیم کی موجودگی کا قائل نہیں: مولانا فضل الرحمان
30 مارچ ، 2019
اسلام آباد: متحدہ مجلس عمل اور جمعیت علمائے اسلام (ف) کے سربراہ مولانا فضل الرحمان کا کہنا ہے کہ پاکستان کے اندر کسی قسم کی مسلح تنظیم کی موجودگی کا قائل نہیں ہوں۔
جیو نیوز کے پروگرام ’جرگہ‘ میں گفتگو کرتے ہوئے مولانا فضل الرحمان کا کہنا تھا کہ ان تنظیموں کو ختم ہونا چاہیے، یہ تنظیمیں ہونی ہی نہیں چاہیے تھیں۔
انہوں نے کہا کہ ان تنظیموں کو قومی دھارے میں لانا چاہیے، جب مین اسٹریمنگ ہوسکتی ہے تو بالکل ہونی چاہیے۔
ان کا کہنا ہے کہ بلاول بھٹو کو تھوڑی سی سیاست کرنے دیں، وہ آئیڈیل باتیں کرتے ہیں، میں نے زرداری صاحب سے کہا کہ بلاول بھٹو زرداری کو میری شاگردی میں لائیں۔
مولانا فضل الرحمان کا کہنا تھا کہ زرداری صاحب نے تو بہت کچھ سیکھا مجھ سے، اب بلاول کو بھی ذرا لائیں۔
یاد رہے کہ مولانا فضل الرحمان کا انٹرویو پروگرام ’جرگہ‘ میں اتوار کی شب 10 بج کر 5 منٹ پر نشر ہوگا۔
مزید خبریں :
معروف شیف ذاکر حسین انتقال کرگئے
7 گھنٹے پہلے
نواز شریف کی طبیعت ناساز، لندن میں اپنا قیام بڑھادیا
11 گھنٹے پہلے
