25 اپریل ، 2019 
پاکستان
نارووال: کم جہیز لانے پر بیوی پر تیزاب پھینکنے والا شوہر گرفتار—. فوٹو فائل
نارووال: کم جہیز لانے پر بیوی کو تیزاب پلانے والا شوہر گرفتار
25 اپریل ، 2019
نارووال کے علاقے موضع پکھیکے میں کم جہیز لانے پر مبینہ طور پر بیوی کو تیزاب پلانے اور تشدد کا نشانہ بنانے والے شوہر کو گرفتار کرلیا گیا۔
رپورٹ کے مطابق خاتون کی والدہ نے الزام عائد کیا ہے کہ داماد اور اس کے گھر والوں نے بیٹی کو کم جہیز لانے پر تشدد کا نشانہ بنایا اور تیزاب پلادیا جس کے باعث بیٹی کی حالت تشویش ناک ہے۔
خاتون کو تشویش ناک حالت میں ڈی ایچ کیو اسپتال منتقل کردیا گیا ہے۔
پولیس کا کہنا ہے کہ ملزم عدنان کی شادی ایک سال قبل مریم بی بی سے ہوئی تھی تاہم مقدمہ درج کر کے شوہر اور سُسر سمیت تین ملزمان کو گرفتار کرلیا گیا ہے۔
