سپریم جوڈیشل کونسل کی کارروائی کی میڈیا پر تفصیلات نہیں بتائی جاسکتیں، فردوس عاشق

جسٹس قاضی فائز عیسیٰ اور جسٹس کےکے آغا کے خلاف ریفرنس کے معاملے پر وزیراعظم کی معاون خصوصی برائے اطلاعات فردوس عاشق اعوان کا کہنا ہے کہ سپریم جوڈیشل کونسل نے اٹارنی جنرل اور متعلقہ فریقین کو 14 جون کیلئے نوٹس جاری کیے ہیں۔

انہوں نے کہا کہ سپریم جوڈیشل کونسل کے ضابطہ اخلاق میں راز داری یقینی بنائی جاتی ہے ، جب تک سپریم جوڈیشل کونسل ترجیحات طے کرکے واضح ہدایات جاری نہیں کرتی ہم اسے میڈيا سے شیئر نہیں کرتے، صدر مملکت نے دونوں ججوں کے خلاف ریفرنس دو دن پہلے بھجوایا تھا، ریفرنس میں ججوں کے خلاف اثاثے چھپانے کا الزام ہے۔

اسلام آباد میں مشیر تجارت عبدالرزاق داؤد کے ہمراہ پریس کانفرنس کرتے ہوئے فردوس عاشق اعوان کا کہنا تھا کہ طلال سے نہال تک توہین عدالت کے نوٹس کا ریکارڈ ن لیگ کے پاس ہے، اتنی بڑی تعداد میں کسی اور جماعت کے پاس نہیں یہ ریکارڈ موجود نہیں، یہ واحد جماعت ہے اس نے توہین عدالت کے نوٹسز کی شکل میں اتنے گولڈ میڈل جیتے ہیں۔

انہوں نے کہا کہ آج ہمیں اداروں کا احترام کا سکھایا جا رہا ہے، یہ کرپشن لیگ مال بچاؤ اور جلد جلدی بھاگ جاؤ کے فارمولے پر چل رہے ہیں لیکن ان کے جلدی جلدی کے راستے میں عمران خان رکاوٹ ہیں۔

سپریم جوڈیشل کونسل کی کارروائی کی تفصیلات میڈیا پر نہیں بتائی جا سکتیں: فردوس عاشق

سپریم کورٹ اور ہائی کورٹس کے ججز کے خلاف سپریم جوڈیشل کونسل میں ریفرنس سے متعلق سوال پر فردوس عاشق اعوان نے کہا کہ سپریم جوڈیشل کونسل نے نوٹسز جاری کرتے ہوئے 14 جون کو اٹارنی جنرل کو طلب کر لیا ہے۔

انہوں نے کہا کہ راز داری برتنے کے لیے سپریم جو ڈیشل کونسل کی کارروائی ان کیمرا ہوتی ہے، سپریم جوڈیشل کونسل کی کارروائی کی میڈیا پر تفصیلات نہیں بتائی جا سکتیں۔

ان کا کہنا تھا کہ وزارت قانون نے دونوں ریفرنسز سے متعلق معاملات کو دیکھنا ہے، وزارت قانون جو بھی بات ہو گی اس سے میڈیا کو آگاہ کرے گی۔

فردوس عاشق اعوان نے کہا کہتے تھے تبدیلی کہاں ہے، دیکھیں تبدیلی آنہیں رہی گزشتہ رات آگئی ہے، گزشتہ رات ملائیشیا سے 320 پاکستانی وطن واپس پہنچ گئے ہیں۔

معاون خصوصی برائے اطلاعات نے کہا کہ یہ وزیراعظم عمران خان کے انسان دوست ہونے کا ثبوت ہے، وزیراعظم نے دیار غیر میں قید پاکستانیوں کا درد محسوس کیا اور ان پاکستانیوں کو عید سے پہلے ان کے خاندانوں سے ملوا دیا۔