Can't connect right now! retry

پاکستان
07 جون ، 2019

'نواز شریف کو اہلخانہ سے ملنے نہ دینے سے عمران خان کی نالائقی کم نہیں ہوگی'


لاہور: ترجمان مسلم لیگ (ن) مریم اورنگزیب نے کوٹ لکھپت جیل میں قید پارٹی قائد نواز شریف سے عید کے روز بھی ملاقات کی اجازت نہ دیے جانے کی شدید مذمت کی ہے۔ 

مریم اورنگزیب کا اپنے بیان میں کہنا تھا کہ عید کا آخری دن اور عمران خان نے نواز شریف کو ان کی والدہ اور بیٹی سے نہ ملنے دیا، نواز شریف کو اپنے گھر والوں سے نہ ملنے دینے سے آپ کی نااہلی اور نالائقی کم نہیں ہوگی۔

مریم اورنگزیب نے وزیراعظم کو مخاطب کرتے ہوئے کہا کہ عمران خان آپ نواز شریف سے بدلہ لے رہے ہیں، نواز شریف اس لیے جیل میں ہیں کیونکہ آپ نے ملک کو آئی ایم ایف میں گروی رکھنا تھا۔

ترجمان (ن) لیگ کا کہنا تھا کہ عمران خان یاد رکھیں ظلم جب حد سے بڑھ جائے تو مٹ جاتا ہے۔

یاد رہے کہ عید کہ پہلے اور دوسرے روز بھی لیگی کارکنان، نواز شریف کی والدہ اور ان کی صاحبزادی مریم نواز کو نواز شریف سے ملنے کی اجازت نہیں دی گئی تھی جس پر لیگی کارکنان نے شدید غصے کا اظہار کیا تھا۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM