Can't connect right now! retry

دنیا
07 جون ، 2019

آسٹریلوی تاریخ میں آئس نشے کی سب سے بڑی مقدار پکڑی گئی

یہ اسپکیرز تھائی لینڈ سے پارسل کیے گئے تھے۔ فوٹو کریڈٹ : آسٹریلوی بارڈر فورس

آسٹریلیا میں اسپکیرز میں چھپائی گئی 1.6 ٹن آئس نامی منشیات اور 37 کلو گرام ہیروئن برآمد کر کے منشیات کو قبضے میں لے لیا گیا۔

آسٹریلوی حکام کا کہنا ہے کہ انہوں  نے میتھم فیٹامائن جسے عرف عام میں آئس نشہ کہا جاتا ہے، ملکی تاریخ کی  سب سے بڑی مقدار  قبضے میں لے لی ہے۔

قبضے میں لی گئی منشیات کی قیمت اندازاً 840 ملین امریکی ڈالر ہے۔ منشیات اسٹیریو اسپیکرز کے اندر چھپائی گئی تھی اور اسپیکرز کو  میلبورن پورٹ سے پکڑا گیا۔

حکام کا مزید کہنا ہے کہ 1.6 ٹن منشیات گزشتہ پورے سال قبضے میں لی گئی منشیات کا 13 فیصد سے زائد ہے۔

آسٹریلوی بارڈر فورس پر اسپیکرز میں چھپائی گئی منشیات کا انکشاف ایکسرے مشین سے اسپکیرز کو گزارنے پر ہوا۔

 آسٹریلوی پولیس کا کہنا ہے کہ یہ اسپکیرز تھائی لینڈ سے بھیجے گئے۔ اس ضمن میں کوئی گرفتاری عمل میں نہیں لائی گئی۔آئس نشے کے ساتھ 37 کلو گرام ہیروئین بھی اسپکیرز کے اندر سے برآمد ہوئی۔

آسٹریلیا میں آئس کا شمار سب سے عام اور نقصان دہ غیر قانونی منشیات میں ہوتا ہے۔

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM