13 جون ، 2019 
اومان کے قریب سمندر میں دو آئل ٹینکروں پر حملہ
13 جون ، 2019
اومان کے قریب سمندر میں دو آئل ٹینکروں پر حملہ کیا گیا تاہم ٹینکروں میں موجود تمام عملے کو باحفاظت ریسکیو کرلیا گیا۔
نارویجیئن میری ٹائم حکام نے بیان جاری کیا ہے کہ اومان کے سمندر میں ناروے کے آئل ٹینکر فرنٹ الٹیئر پر حملہ کیا گیا ،جس میں کوئی شخص زخمی نہیں ہوا۔
حملے کے دوران جہاز میں تین دھماکے ہوئے جبکہ اسی سمندری زون میں ایک اور حملے میں کوکوکا کریجیئس نامی جہاز کو نشانہ بنایا گیا۔
ایرانی سرکاری میڈیا کا کہنا ہے کہ ایرانی بحری اہلکاروں نے متاثرہ آئل ٹینکروں میں سوار عملے کے 44 افراد کو ریسکیو کرکے بندرگاہ جاسک پہنچا دیا ہے۔
جاپانی وزارت تجارت کے مطابق آبنائے ہرمز میں حملے کا نشانہ بننے والے آئل ٹینکروں میں جاپان کا تیل موجود تھا،آئل ٹینکروں پر حملے کی ذمہ داری ابھی کسی کی جانب سے قبول نہیں کی گئی ہے۔
دو میں سے ایک آئل ٹینکر ناروے کا تھا جبکہ دونوں میں جاپان کا کارگو موجود تھا، حملے کی وجہ سے ایک آئل ٹینکر میں آگ لگ گئی جبکہ دوسرے کو جزوی نقصان پہنچا۔
مزید خبریں :
شام کے شہر حماہ میں نامعلوم افراد نےکرسمس ٹری کو آگ لگادی
24 دسمبر ، 2024
سعودی عرب میں رواں سال 300 سے زائد افراد کو سزائے موت دی گئی
24 دسمبر ، 2024
ایک اورکشمیری نژاد پاکستانی برطانیہ میں لارڈ بن گیا
24 دسمبر ، 2024
ترکیہ: فیکٹری میں دھماکا خیز مواد پھٹنے سے 12 افراد ہلاک
24 دسمبر ، 2024
