18 جون ، 2019 
سٹیزن پورٹل پر 10 لاکھ افراد کا رجسٹرڈ ہونا عوام کے اعتماد کا مظہر ہے: وزیراعظم
18 جون ، 2019
اسلام آباد: وزیر اعظم عمران خان کا کہنا ہے کہ پاکستان سٹیزن پورٹل پر صرف 8 ماہ میں 10 لاکھ افراد کا رجسٹرڈ ہونا نظام پر عوام کے اعتماد کا مظہر ہے۔
وزیراعظم عمران خان کا اپنی ٹوئٹ میں کہنا تھا کہ پاکستان سٹیزن پورٹل میں اِن 8 ماہ میں 10 لاکھ افراد رجسٹرڈ ہوچکے ہیں جو کہ اس سسٹم پر عوام کے اعتماد کا مظہر ہے۔
انہوں نے کہا کہ کسی بھی ذمہ دار تک رسائی کے لیے اب کسی سیاست دان یا بیروکریٹ کی سفارش کی ضرورت نہیں ہے۔
ایک اور ٹوئٹ میں وزیراعظم کا کہنا تھا کہ 8 لاکھ شکایات میں سے 6 لاکھ 80 ہزار شکایات کو حل کیا گیا ہے، یہ حقیقی معنوں میں عوام کو بااختیار بنانا ہے اور یہی نیا پاکستان ہے۔
یاد رہے کہ وزیراعظم عمران خان نے پاکستان سٹیزن پورٹل کا آغاز گزشتہ سال 28 اکتوبر کو کیا تھا۔
