Can't connect right now! retry

پاکستان
05 جولائی ، 2019

توشہ خانہ کیس: نیب ٹیم کی نوازشریف سے جیل میں تفتیش

سابق وزیراعظم نوازشریف—. فوٹو فائل 

اسلام آباد: توشہ خانہ کیس میں سابق وزیراعظم نوازشریف سے نیب کی ٹیم نے جیل میں تفتیش کی۔

ذرائع کے مطابق نیب کی 3 رکنی ٹيم نے جیل سپرنٹنڈنٹ کے کمرے میں تفتیش کی، سابق وزیراعظم کو سخت سیکیورٹی میں کمرے میں لایا گیا۔

نیب ٹیم نے نواز شریف سے ایک گھنٹے تک تفتیش کی اور انہیں ایک سوالنامہ بھی دیا۔

ذرائع کے مطابق نوازشریف نے نیب کو ٹیم کو جواب دیتے ہوئے کہا کہ بطور وزیراعظم جو تحائف ملے وہ سرکاری خزانے میں جمع کرادیے، بطور وزیراعظم سرکاری گاڑیاں استعمال کرنے کا آئینی اور قانونی حق حاصل تھا، سرکاری گاڑیوں کے استعمال کا ریکارڈ چیک کیا جاسکتا ہے ۔

سابق وزیراعظم نے نیب کی ٹیم کو کچھ سوالوں کے جوابات قانونی ٹیم سے مشاورت کے بعد دینے کو کہا۔

واضح رہےکہ نوازشریف پر توشہ خانہ کیس میں گاڑیوں سمیت قیمتی تحائف کو ذاتی استعمال میں لانے کا الزام ہے، نیب ٹیم نے نوازشریف سے تفتیش کے لیے احتساب عدالت سے اجازت مانگی تھی۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM