06 جولائی ، 2019 
پاکستان
فائل فوٹو
منڈی بہاؤالدین انتظامیہ کا (ن) لیگ کو جلسے کی اجازت دینےسے انکار، گراؤنڈ سیل
06 جولائی ، 2019
منڈی بہاؤالدین انتظامیہ نے مسلم لیگ (ن) کو قائداعظم گراؤنڈ میں جلسے کی اجازت دینے سے انکار کردیا۔
انتظامیہ نے قائداعظم گراؤنڈ کو سیل کردیا جب کہ گراؤنڈ میں بارش کا پانی بھی جمع ہوگیا۔
ڈی پی او منڈی بہاؤ الدین کا کہنا ہےکہ سیکیورٹی خدشات کے باعث جلسے کی اجازت نہیں دی گئی، لیگی قیادت کو شہر سے باہر کھلی جگہ یا رسول روڈ اسٹیڈیم پر جلسے کیلئے کہا گیا ہے۔
دوسری جانب مسلم لیگ (ن) کی نائب صدر مریم نواز نے کل ہر حال میں منڈی بہاؤالدین جانے کا اعلان کیا ہے۔
انہوں نے کہا کہ حکومت کو اصل خوف نواز شریف کے پیچھے کھڑی عوامی طاقت کا ہے۔
