26 جولائی ، 2019 
رنگ گورا کرنے والی مضر کریموں کے خلاف کریک ڈاؤن کا اعلان
26 جولائی ، 2019
اسلام آباد: حکومت نے مضر صحت رنگ گورا کرنے والی کریموں کے خلاف کارروائی کرنے کا فیصلہ کر لیا۔
وزیر مملکت برائے موسمیاتی تبدیلی زرتاج گُل نے اسلام آباد میں پریس کانفرنس کرتے ہوئے کہا کہ جو کمپنیاں سستی کریمیں بیچ رہی ہیں وہ عوام کی جلد کو خراب کرنے کا باعث بن رہی ہیں۔
زرتاج گل کا کہنا تھا کہ ان کی وزارت کاسمیٹکس بنانے اور بیچنے والی کمپنیوں کی مصنوعات کی جانچ پڑتال کر رہی ہے کیونکہ پاکستان مینا ماٹا مرکری کنونشن کا حصہ ہے۔
انہوں نے بتایا کہ ان کی وزارت نے 59 مختلف لوکل اور انٹرنیشنل کمپنیوں کی کریموں کے معیار کو جانچنے کے لیے لیباٹری میں بھیجا اور صرف 3 کمپنیاں بین الاقوامی معیار پر پورا اتریں۔
انہوں نے کہا کہ بقیہ 56 رنگ گورا کرنے والی کریموں میں خطرناک حد تک مرکری استعمال کیا جا رہا ہے۔
انہوں نے مزید بتایا کہ 31 دسمبر تک اس معاملے پر قانون سازی کے بعد کارروائی کی جائے گی۔
مزید خبریں :
انڈے کھانے سے دماغی صحت کو فائدہ ہوتا ہے، تحقیق
24 نومبر ، 2024
پاکستان میں پولیو وائرس کے مزید 3 نئے کیسز سامنے آگئے
24 نومبر ، 2024
اسموگ کی وجہ سے سینے کے امراض میں کئی گنا اضافہ
24 نومبر ، 2024
ناخنوں پر نشانات کن خطرناک بیماریوں میں مبتلا ہونے کا اشارہ ہیں؟
22 نومبر ، 2024
پاکستان میں مزید 2 بچے پولیو وائرس سے متاثر، تعداد 52 ہوگئی
22 نومبر ، 2024
سوئیڈن سگریٹ سے نجات پانے والا دنیا کا پہلا ملک بن گیا
21 نومبر ، 2024
