Can't connect right now! retry

دنیا
11 اگست ، 2019

امریکا اور برطانیہ سمیت مختلف ممالک میں کشمیریوں کے حق میں ریلیاں

کشمیر سے اظہار یکجہتی کیلئے نکالی گئی ریلی میں سکھ برادری کے لوگوں نے بھی شرکت کی۔ فوٹو: ٹوئٹر

امریکا اور برطانیہ سمیت دنیا کے کئی ممالک میں بھارتی اقدامات کے خلاف اور کشمیریوں کے حق میں ریلیاں نکالی گئیں۔

امریکا میں پاکستانی اور کشمیری کمیونٹی نے وائٹ ہاؤس کے سامنے احتجاج کیا اور صدر ڈونلڈ ٹرمپ سے مطالبہ کیا کہ بھارتی وزیراعظم نریندر مودی کو مقبوضہ کشمیر میں لیے گئے حالیہ اقدامات واپس لینے پر مجبور کریں۔

امریکی ریاست کیلی فورنیا میں بھی مسلم کمیونٹی نے کشمیریوں سے اظہار یکجہتی کے لیے ریلی نکالی جس میں خواتین اور بچوں کی بڑی تعداد نے بھی شرکت کی۔

امریکا میں کشمیریوں کے حق میں ریلی۔ فوٹو: ٹوئٹر

برطانیہ میں بھارتی ہائی کمیشن اور قونصل خانوں کے باہر احتجاجی مظاہرے کیے گئے۔

برمنگھم میں کشمیریوں سے اظہار یکجہتی ریلی۔ فوٹو: ٹوئٹر

آسٹریلیا کے شہر میلبرن میں بھی مودی سرکار کے اقدامات کے خلاف احتجاج کیا گیا اور دھرنا دیا گیا جس میں سکھ برادری کے نمائندوں نے بھی شرکت کی۔

جرمنی کے شہر برلن کے تاریخی برانڈنبرگ گیٹ کے سامنے کشمیری برادری نے جرمن، بھارتی اور پاکستانی شہریوں کے ساتھ مل کر ہندو قوم پرست مودی حکومت کے خلاف مظاہرہ کیا۔

بیلجیئم کے دارالحکومت برسلز میں بھی عوام کی بڑی تعداد نے کشمیریوں کے حق میں مظاہرہ کیا۔

کشمیریوں کے حق میں نکالی گئی ریلی میں سکھ برادری کے افراد نے بھی شرکت کی۔ فوٹو: ٹوئٹر

کینیڈا اور آئرلینڈ میں بھی کشمیریوں کے اظہار یکجہتی کے لیے ریلیاں نکالی گئیں جس میں عوام کی بڑی تعداد نے شرکت کی۔

بھارت کے دارالحکومت نئی دلی میں بھی بائیں بازو کی جماعتوں اور پروگریسو فرنٹ نے کشمیریوں سے اظہار یکجہتی کے لیے ریلی نکالی اور بی جے پی کی حکومت سے آرٹیکل 370 کے خاتمے کا فیصلہ واپس لینے کا مطالبہ کیا۔ 

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM