18 اگست ، 2019 
'پولیو کسی بھی صورت دہشتگردی سے کم نہیں'
18 اگست ، 2019
پشاور: وزیر اطلاعات خیبرپختونخوا شوکت یوسفزئی نے بنوں کے تاجروں کی جانب سے انسداد پولیو مہم کے بائیکاٹ پر اظہار تشویش کرتے ہوئے کہا ہے کہ پولیو کسی بھی صورت دہشت گردی سے کم نہیں ہے۔
بنوں کے تاجروں نے ہوشربا مہنگائی سے تنگ آکر پاکستان انسداد پولیو پروگرام کا بائیکاٹ کا اعلان کرتے ہوئے احتجاجاً اپنے بچوں کو انسداد پولیو کے قطرے نہ پلانے کی دھمکی دی ہے۔
پاکستان پولیو پروگرام کے حکام کا اس حوالے سے کہنا ہے کہ وائرس کے خاتمے کے لیے پولیو ویکسین واحد حل ہے لہذا والدین مفاد پرست عناصر کی باتوں پر کان نہ دھریں۔
دوسری جانب وزیر اطلاعات کے پی کے شوکت یوسفزئی نے کہا ہے کہ بنوں میں تاجروں کی جانب سے سیلز ٹیکس کو پولیو کے قطرے پلانے سے مشروط کرنے کا مطالبہ سمجھ سے بالاتر ہے اور پولیو کے قطرے پلانے کی مخالفت کر نے والوں کے خلاف سخت ایکشن لیں گے۔
وزیر اطلاعات خیبرپختونخوا نے پولیو کو دہشت گردی جیسا ناسور قرار دیتے ہوئے اس عزم کا اعادہ کیا کہ جیسے دہشت گردی کا خاتمہ کیا تھا بالکل اسی طرح ملک اور صوبے کو پولیو فری بنائیں گے۔
واضح رہے کہ پولیو وائرس سے متاثر افغانستان نائجیریا اور پاکستان سرفہرست ہیں۔
مزید خبریں :
ناخنوں پر نشانات کن خطرناک بیماریوں میں مبتلا ہونے کا اشارہ ہیں؟
22 نومبر ، 2024
پاکستان میں مزید 2 بچے پولیو وائرس سے متاثر، تعداد 52 ہوگئی
22 نومبر ، 2024
سوئیڈن سگریٹ سے نجات پانے والا دنیا کا پہلا ملک بن گیا
21 نومبر ، 2024
رواں سال سندھ بھر میں ایچ آئی وی ایڈز کے مریضوں میں اضافہ
21 نومبر ، 2024
یورک ایسڈ کو کنٹرول کرنے والے بہترین مشروبات
21 نومبر ، 2024
ذیابیطس ٹائپ 2 جیسا مرض تیزی سے پھیلنے کی اہم وجہ دریافت
20 نومبر ، 2024
وہ عام عادت جس سے ہر عمر میں دماغ کو جوان رکھنے میں مدد ملتی ہے
20 نومبر ، 2024
