22 اگست ، 2019 
ہائی بلڈ پریشر سے بچاؤ کے ٹوٹکے
22 اگست ، 2019
عالمی ادارہ صحت کے مطابق دنیا میں 40 فیصد لوگوں کو ہائی بلڈ پریشر کی شکایت ہے، ایسے میں ڈاکٹرز کا کہنا ہے کہ احتیاط علاج سے بہتر ہے۔
ذیل میں ہم چند ایسی اشیاء کے بارے میں بتا رہے ہیں، جو بلڈ کا پریشر متوازن رکھنے میں انتہائی مفید ثابت ہوتی ہیں۔
تلسی کے پتے:
ماہرین کے مطابق تلسی کے پتے خون کو پتلا کرنے میں مددگار ثابت ہوتے ہیں۔یہ بلڈ پریشر کو بڑھنے سے بھی روکتے ہیں اور اگر انہیں کھانے میں استعمال کیا جائے تو یہ انتہائی مفید ہیں۔
دار چینی:
دار چینی، بلڈ پریشر اور کولیسٹرول کو بڑھنے سے روکتی ہے، اس کا صرف ایک چٹکی پاؤڈر شہد میں ملا کر کھالیا جائے تو یہ ہائی بلڈ پریشر، کولیسٹرول اور وزن کم کرنے میں مدد گار ثابت ہوتی ہے۔
الائچی:
الائچی صحت کے لیے کئی طریقوں سے مفید ہے۔ یہ ہائی بلڈ پریشر میں بھی بے انتہا فائدہ مند ہے۔ اس کے لگاتار استعمال سے منہ کی بدبو ختم ہوجاتی ہے اور ساتھ ہی بلڈ پریشر کو متوازن رکھنے میں بھی یہ کلیدی کردار ادا کرتی ہے۔
ادرک:
ادرک کا استعمال گاڑھے خون کو پتلا کرتا ہے، ساتھ ہی اس کی مدد سے شریانوں میں خون آسانی سے دوڑتا ہے۔ ادرک انسانی صحت کے لیے کئی حوالوں سے مفید ہے، یعنی ناخنوں کی چمک اور نظام ہضم کو درست رکھنے میں بھی نہایت مفید ہے۔
السی کے بیج:
السی کے بیج میں اومیگا 3 فیٹی ایسڈ وافر مقدار میں پایا جاتا ہے، ساتھ ہی اس سے گلوکوز میں بھی اضافہ ہوتا جو ہائی بلڈ پریشر ہونے سے روکتا ہے۔
مزید خبریں :
ذیابیطس کا شکار ہونے کا عندیہ دینے والی عام علامات
14 نومبر ، 2024
وہ کون سے مشروبات ہیں جو آپ کے جگر کو تباہ کر رہے ہیں؟
14 نومبر ، 2024
گریوں کا استعمال دماغی مرض ڈیمینشیا سے بچانے کیلئے مفید
13 نومبر ، 2024
ناشتہ نہ کرنے کی عادت سے صحت کو ہونے والے سنگین نقصان کا انکشاف
13 نومبر ، 2024
کیا چائے نظام ہاضمہ خراب کردیتی ہے؟ حیران کن حقائق
12 نومبر ، 2024
