Can't connect right now! retry

دنیا
03 ستمبر ، 2019

بہاماس: سمندری طوفان ڈوریان کی تباہ کاریاں جاری، 5 افراد ہلاک

فوٹو: بشکریہ اے بی سی نیوز

بہاماس میں آنے والے انتہائی خطرناک سمندری طوفان ’ڈوریان‘ سے تباہ کاریاں جارہی ہیں جب کہ سیلابی پانی میں بہہ کر اب تک 5 افراد ہلاک ہوچکے ہیں۔

غیر ملکی خبر رساں ادارے کے مطابق پیر کے روز سے سمندری طوفان ڈوریان نے بہاماس کو اپنی لپیٹ میں لے رکھا ہے جب کہ سمندری طوفان سے متعدد گھر سیلابی پانی میں بہہ گئے اور مختلف واقعات میں 5 افراد ہلاک ہوچکے ہیں۔

میڈیا رپورٹس کے مطابق طوفان کے امریکی ساحل کی جانب بڑھنے کے پیش نظر لاکھوں افراد کو نقل مکانی کی ہدایات جاری کردی گئی ہیں جب کہ حکام نے شہریوں کو طوفانی ہواؤں کے باعث محفوظ پناہ گاہوں میں رہنے کی بھی ہدایت کی ہے۔

بہاماس کے وزیراعظم ہوبرٹ میننس نے شمالی آئس لینڈ میں 5 افراد کی ہلاکت کی تصدیق کرتے ہوئے کہاکہ ہم شمالی بہاماس میں تاریخی المیے کے درمیان ہیں، اس وقت ہمارا مشن اور توجہ تلاش، ریسکیو اور بحالی ہے۔

انہوں نے بتایا کہ جزیرے اباکو میں امریکی کوسٹ گارڈ کے اہلکار ریسکیو کارروائیوں میں مصروف ہیں اور انہوں نے اب تک متعدد زخمیوں کو طبی امداد کے لیے اسپتالوں میں منتقل کیا ہے جن میں شدید زخمی بھی شامل ہیں۔

میڈیا رپورٹس کے مطابق جزیرے اباکو میں موجود عینی شاہدین کا بتانا ہےکہ طوفانی ہواؤں سے گھروں کی کھڑکیاں اور چھتیں اڑگئیں جب کہ تمام علاقہ جھیل کی صورت اختیار کرچکا ہے۔

ریسکیو حکام کے مطابق ڈوریان طوفان سے گرینڈ بہاماس آئس لینڈ پر 12 سے 18 فٹ تک کی لہریں اٹھنے کا خطرہ ہے جب کہ طوفان کے نتیجے میں 13 ہزار گھروں کو شدید نقصان پہنچا ہے۔

حکام نے مزید بتایا کہ طوفان کے شمال مغرب کی جانب بہاؤ کا اندیشہ ہے جس کے باعث یہ امریکی ریاست فلوریڈا، جنوبی کیرولینا اور جارجیا کے ساحلوں کو متاثر کرسکتاہے۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM