Can't connect right now! retry

پاکستان
19 ستمبر ، 2019

وفاقی ٹیکس محتسب مشتاق سکھیرا کو فوری بحال کرنے کا حکم

فوٹو: فائل

اسلام آباد ہائی کورٹ نے وفاقی ٹیکس محتسب مشتاق سکھیرا کو فوری طور بحال کرنے کا حکم دیا ہے۔

حکومت نے مشتاق سکھیرا کی تعیناتی کو غیر قانونی قرار دیکر انہیں برطرف کر دیا تھا۔

حکومت نے مشتاق سکھیرا کی تعیناتی کے 31 اگست کے نوٹیفکیشن کو واپس لے لیا تھا اور 13 جون کو مشتاق سکھیرا کو برطرف کرنے کا نوٹیفکیشن جاری کیا تھا۔

مشتاق سکھیرا نے اپنی برطرفی کو اسلام آباد ہائی کورٹ میں چیلنج کر رکھا تھا۔

اسلام آباد ہائی کورٹ نے مشتاق سکھیرا کو 14 جون کو برطرفی کے حکم پر حکم امتناع جاری کیا تھا۔

اسلام آباد ہائی کورٹ کے چیف جسٹس اطہر من اللہ نے کیس کا فیصلہ سناتے ہوئے وفاقی محتسب مشتاق سکھیرا کو فوری طور پر عہدے پر بحال کرنے کا حکم دیا ہے۔

خیال رہے کہ مشتاق سکھیرا آئی پنجاب بھی رہ چکے ہیں اور انسداد دہشت گردی کی عدالت نے سانحہ ماڈل ٹاؤن کیس میں اُن پر فرد جرم بھی عائد کی تھی۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM