23 ستمبر ، 2019 
پاکستان میں ہر تیسرا فرد ذہنی امراض کا شکار، وجہ کیا ہے؟
23 ستمبر ، 2019
ماہرین کا کہنا ہےکہ پاکستان میں ہر تیسرا فرد مختلف ذہنی امراض کا شکار ہے جس کے علاج اور تدارک کیلئے فوری اقدامات اٹھانے کی ضرورت ہے۔
پاکستان سائیکاٹرسٹ سوسائٹی کے زیر اہتمام 23 ویں قومی سائیکاٹرسٹ کانفرنس سوات میں منعقد کی گئی جس میں ملک بھر سے ماہر ڈاکٹروں نے شرکت کی۔
ماہر ڈاکٹروں کاکہنا ہےکہ نفسیاتی امراض اور اُن کے علامات کو چھپایا جاتا ہے جس کے باعث مرض مزید پیچیدہ بن جاتا ہے، اس وقت ملک بھرمیں 2 کروڑ سے زیادہ افراد نفسیاتی امراض کے شکار ہیں، اس وقت ملک کے جو حالات چل رہے ہیں جس میں غربت تشدد اور دہشت گردی شامل ہیں اسی وجہ سے ڈیپریشن بہت عام ہوگیا ہے۔
ماہرین نے بتایا کہ پاکستان میں 34 فیصد لوگ ذہنی ونفسیاتی امراض کے شکار ہیں جس سے نمٹنے کیلئے جدید تحقیق اور طریقہ کار کو اپنانا ہوگا۔
پاکستان سائیکاٹرسٹ سوسائٹی کےصدر ڈاکٹر محمد اقبال کا کہناتھا کہ ہمارے ملک میں یہ مرض اس لیے زیادہ ہے کہ کزن ٹو کزن شادیاں ہیں، جینیٹک ورنیبیلیٹی ہے، دوسرا سب سے بڑا مسئلہ اس خطے میں پریشانیاں، امن و مان کی صورتحال، اور خراب اکانومی ہے۔
انہوں نے مزید کہا کہ ہم نے اس کانفرنس میں بہت کچھ سیکھا، جو پہلے نہیں جانتے تھے اور یہ نفرنس سے نوجوان ڈاکٹرز کو بہت فائدہ پہنچے گا۔
مزید خبریں :
ذیابیطس کا شکار ہونے کا عندیہ دینے والی عام علامات
14 نومبر ، 2024
وہ کون سے مشروبات ہیں جو آپ کے جگر کو تباہ کر رہے ہیں؟
14 نومبر ، 2024
گریوں کا استعمال دماغی مرض ڈیمینشیا سے بچانے کیلئے مفید
13 نومبر ، 2024
ناشتہ نہ کرنے کی عادت سے صحت کو ہونے والے سنگین نقصان کا انکشاف
13 نومبر ، 2024
