Can't connect right now! retry

دلچسپ و عجیب
10 اکتوبر ، 2019

دُلہا کی بیت الخلا میں سیلفی پر دُلہن کو انعام ملے گا

فائل فوٹو

بھارتی ریاست مدھیا پردیش کی حکومت نے ایک انوکھی اسکیم جاری کی ہے جس میں اگر دُلہا بیت الخلا (باتھ روم) میں سیلفی لے گا اوریہ ثابت کرے گا کہ اس گھر میں باتھ روم موجود ہے تو اس کی دُلہن کو 51 ہزار روپے تحفے میں ملیں گے۔

بھارتی میڈیا رپورٹس کےمطابق مدھیا پردیش کی حکومت نے شادی کے لیے یہ اسکیم متعارف کرائی ہے جس کے لیے درخواست صرف اسی صورت دی جاسکتی ہے جب دُلہن یہ ثابت کردے کہ اس کے ہونے والے شوہر کے گھر میں باتھ روم میں موجود ہے۔

میڈیا رپورٹس میں بتایا گیاہےکہ سرکاری افسران ہر جگہ باتھ روم چیک نہیں کرسکتے لہٰذا وہ دُلہا سے باتھ روم میں کھڑے ہوکر سیلفی کا مطالبہ کرتے ہیں۔

باتھ روم میں کھڑے ہوکر سیلفی لینے کی شرط صرف دیہاتی علاقوں میں ہی نہیں بلکہ بھوپال شہر کی میونسپل کارپوریشن کی جانب سے بھی یہ مطالبہ سامنے آیا ہے۔

بھارتی میڈیا کےمطابق بھوپال کے ایک شہری کا کہنا تھا کہ اسے بتایا گیا ہے کہ جب تک دُلہا باتھ روم میں موجود اپنی تصاویر فراہم نہیں کرے گا تب تک قاضی اس کا نکاح نہیں پڑھائے گا۔

بھارتی میڈیا کا بتانا ہےکہ باتھ روم کے حوالے سے حکومت کی اسکیم 2013 سے ہے تاہم اس میں تصویر کا اضافہ حال ہی میں کیا گیا ہے۔

اس سے قبل اس حوالے سے پالیسی میں کچھ نرمی تھی جس میں دُلہا کو شادی کے 30 دن کے اندر باتھ روم بنانے کی ہدایت دی گئی تھی۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM