Can't connect right now! retry

پاکستان
15 اکتوبر ، 2019

پاکستان نے بھارتی وزیر دفاع کے بیان کو اشتعال انگیز قرار دیکر مستردکردیا

فائل فوٹو

اسلام آباد: ترجمان دفترخارجہ ڈاکٹر فیصل نے  بھارتی وزیر دفاع راج ناتھ سنگھ کا بیان مسترد کرتے ہوئے کہاہے کہ پاکستان کی مسلح افواج اور عوام مادر وطن کا دفاع کرنا جانتے ہیں۔

ترجمان دفتر خارجہ کی جانب سے جاری بیان میں بھارتی وزیر دفاع کے بیان کو اشتعال انگیز قرار  دیتے ہوئے کہا گیا ہےکہ راج ناتھ سنگھ نے ہریانہ میں انتخابی ریلی میں اشتعال انگیز بیانات دیے ہیں، بھارتی وزیردفاع کا بیان بی جے پی حکومت کے ذہن کی عکاسی کرتا ہے۔

ترجمان نے کہا کہ بھارتی وزیر دفاع کا بیان پاکستان مخالف، انتہاپسندی اور طاقت کے نشے میں چُور سوچ کا عکاس ہے،  پاکستان ان بیانات کی شدید مذمت کرتا ہے۔

ڈاکٹر فیصل کا کہنا تھا کہ پاکستان کی مسلح افواج اور عوام مادر وطن کا دفاع کرنا جانتے ہیں لہٰذا دشمن کی کسی سازش کو کامیاب نہیں ہونے دیں گے۔      

واضح رہے کہ گزشتہ روز ہریانہ میں ایک ریلی سے خطاب کرتے ہوئے بھارتی وزیر دفاع راج ناتھ سنگھ نے پاکستان کے خلاف ہرزہ سرائی کرتے ہوئے کہا تھا کہ پاکستان اپنا رویہ ٹھیک کرلے ورنہ اس کے ٹکرے ٹکرے کردیں گے۔  

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM