انٹرٹینمنٹ
19 اکتوبر ، 2019

منال خان کی نئے اسٹائل میں کنگنا سے مماثلت

منال خان کی نئی لُک کنگنا رناوٹ سے مماثلت—انسٹاگرام فوٹو

پاکستانی ٹی وی اداکارہ اور سوشل میڈیا پر مقبول منال خان کے نئے اسٹائل  کے چرچے زبان زد عام ہیں جس پر مداحوں نے ملے جلے ردعمل کا اظہار کرتے ہوئے ان کی مماثلت بالی وڈ اداکارہ کنگنا رناوٹ سے کی۔

ٹی وی کی ابھرتی ہوئی اداکارہ منال خان ان دنوں مختلف ڈراموں میں اداکاری کے جوہر دکھا رہی ہیں اور اپنے منفرد انداز سے سب کو محظوظ کر رہی ہیں۔

اداکارہ نے حال ہی میں ایک میگزین کے لیے فوٹو شوٹ کروایا جس کے لیے انہوں نے پہلے سے مختلف انداز کا انتخاب کیا۔

منال کے نئے اسٹائل میں دیکھا جاسکتا ہے کہ وہ مغربی اسٹائل اپنائی ہوئی ہیں، اس سے قبل وہ ہمیشہ اسٹریٹ یعنی سیدھے لمبے بالوں میں دکھائی دیتی تھی لیکن نئے فوٹو شوٹ میں ان کے بال مختصر اور گھنگرالے ہیں۔


منال نے اپنی نئے اسٹائل میں فوٹو شوٹ کو پوسٹ کرتے ہوئے لکھا کہ میں اپنے آرام دہ دائرے سے باہر آگئی ہوں، آگے آپ جب ہی بڑھتے ہیں جب باہر نکلتے ہیں اور کچھ مختلف کرتے ہیں۔

منال خان نے اپنے نئے انداز کو دقیانوسی سوچ کو توڑنا قرار دیا۔

View this post on Instagram

Wind of change: Blow me away, Spin me around, Move me someplace.

A post shared by Minal Khan (@minalkhan.official) on


اداکارہ کی نئے اسٹائل پر جہاں مداحوں نے پسندیدگی کا اظہار کیا وہیں کچھ نے ناپسندیدگی بھی ظاہر کی۔

رابی نامی صارف نے منال کی نئے اسٹائل کو خوبصورت قرار دیا جب کہ مناہل نامی صارف لکھتی ہیں کہ اداکارہ پر اسٹریٹ ہیئرز ہی اچھے لگتے ہیں۔

کچھ صارفین نے ان کے میک اپ پر بھی تنقید کی اور کچھ نے اسے بہترین قرار دیا۔

منال خان کی پوسٹ پر ہونے والے چند تبصرے—اسکرین گریب

اس کے علاوہ منال خان کے نئے اسٹائل کی ماڈل صدف کنول اور بالی وڈ اداکارہ کنگنا رناوٹ سے مماثلت کی گئی۔

ایک اینجل نامی صارف کا کہنا تھا کہ منال خان بھارتی اداکارہ کنگنا رناوٹ جیسی لگ رہی ہیں۔

 منال خان کی نئے اسٹائل میں ماڈل صدف کنول اور بالی وڈ اداکارہ کنگنا رناوٹ سے مماثلت کی گئی—

ندا راجپوت نامی صارف  نے تو منال خان کو پہاڑی بکری ہی کہہ ڈالا۔

View this post on Instagram

Never doubt yourself

A post shared by Minal Khan (@minalkhan.official) on



مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM