Can't connect right now! retry

صحت و سائنس
04 نومبر ، 2019

مستقل آئی لائنر بنوانے کا شوق خاتون کو مہنگا پڑگیا

فوٹو: بشکریہ مرر یو کے

موجودہ دور میں خواتین میں میک اَپ کا رجحان بڑھتاجارہا ہے اور اس سلسلے میں مختلف سیلون خواتین کے چہروں پر  نِت نئی تکنیک کا استعمال کرتے ہوئے انہیں خوبصورت بنانے کے لیے بے شمارٹریٹمنٹ کرتے ہیں لیکن کبھی کبھی خوبصورت بنانے کی یہ ترکیبیں نقصان بھی پہنچادیتی ہیں۔

37 سالہ ہینا ہوپکنس ایک میک اپ آرٹسٹ کے پاس ’مستقل آئی لائنر‘ بنوانے کے غرض سے سیلون گئی تھیں جس نے ان کی آنکھوں کے پپوٹے اور چہرے کو بگاڑ دیا۔

آکسفورڈ کی اس کاروباری خاتون نے دعویٰ کیا ہے کہ میک اپ آرٹسٹ نے تکلیف کی وجہ  سے چیخوں کے باوجود اس عمل کو نہیں روکا۔

ہینا دائیں آنکھ سے نابینا ہیں، ان کا کہنا ہے کہ انہیں میک اپ آرٹسٹ نے چُپ ہونے کے لیے کہا اور ان کے چیخنے چلانے کو بچگانہ حرکت قرار دےدیا۔

یہ میک اپ آرٹسٹ وسطی لندن کے شہر میریلیبون میں اَپ مارکیٹ نامی سیلون چلا رہی ہیں۔

فوٹو: بشکریہ مرر یو کے

خاتون کا کہنا تھا کہ اس عمل کے بعد ان کا چہرہ کالا اور نیلے رنگ کا ہوگیا اور وہ کسی خطرناک فلم میں کردار کرنے والی کی طرح دکھائی دے رہی تھیں۔

ہینا اپنے ذاتی معالج کے پاس گئیں جہاں ڈاکٹر نے ان کے علاج کے لیے تقریباً ساڑھے 8 ہزار ڈالر کی خطیر رقم لگنے کا بتایا۔

فوٹو: بشکریہ مرر یو کے

ہینا ایک بین الاقوامی سوفٹ ویئر کمپنی میں تربیت اور عملے کی ترقی کی نگرانی کرتی ہیں،  ان کا کہنا تھا کہ کام اور کاروبار کی وجہ سے صبح کے وقت تیار ی کے  وقت کی بچت کے لیے انہوں نے مستقل آئی لائنر کرانے کا فیصلہ کیا تھا۔

اس واقعے کے بعد انہوں نے اپنا علاج شروع کرادیا جسے مکمل ہونے ایک لمبا وقت درکار ہے۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM