06 نومبر ، 2019 
پاکستانی شوٹر غلام بشیر کو ٹوکیو اولمپکس کا پروانہ مل گیا
06 نومبر ، 2019
پاکستانی شوٹر غلام بشیر کو ٹوکیو اولمپکس کا پروانہ مل گیا۔
دوحہ میں ایشین شوٹنگ چیمپئن شپ میں پاکستانی شوٹر غلام مصطفی بشیر نے رپٹ فائر پسٹل ایونٹ میں شاندار کھیل کا مظاہرہ کیا اور پانچویں پوزیشن حاصل کی جس کی بنیاد پر انہیں ٹوکیو اولمپکس کا کوٹہ مل گیا۔
نیشنل رائفل ایسوسی ایشن آف پاکستان کے سیکریٹری رضی احمد نے بتایا کہ ایشین شوٹنگ چیمپئن شپ میں غلام مصطفی نے فائنسلٹ شوٹرز میں جگہ بنائی اور پھر پانچویں پوزیشن لیکر اولمپک کوٹہ حاصل کیا۔
انہوں نے کہا کہ غلام بشیرپہلے پاکستانی شوٹر ہیں جنہوں نے مسلسل دوسری بار اولمپکس کوٹہ جیتا جبکہ خرم انعام نے 2 بار اولمپکس میں پاکستان کی نمائندگی کی لیکن انہیں وائلڈ کارڈ انٹری ملی تھی۔
پاکستان نیوی سے تعلق رکھنے والے غلام بشیر ریو اولمپکس میں بھی پاکستان کی نمائندگی کرچکے ہیں، جہاں غلام مصفطی نے پاکستانی پرچم اٹھا کر مارچ پاسٹ میں حصہ لیا تھا۔
رضی احمد نے بتایا کہ 2 ماہ قبل پاکستان آرمی کے خلیل اختر نے بھی رپٹ فائر پسٹل میں اولمپکس کوٹہ جیتا تھا، وہ بھی ٹوکیو اولمپکس میں شرکت کریں گے اور یہ پہلا موقع ہے کہ اولمپکس مقابلوں میں پاکستان کے 2 شوٹرز نے اولمپکس کوٹہ جیتا ہے۔
ٹوکیو اولمپکس آئندہ سال جاپان میں ہوں گے اور اب تک صرف پاکستانی شوٹرز اولمپکس تک رسائی حاصل کرسکے ہیں۔
مزید خبریں :
پاکستان اور جنوبی افریقا کا آخری ون ڈے بارش کی نذر ہونیکا امکان
22 دسمبر ، 2024
پاکستان کے ٹی 20 اسکواڈ کو بہتر بنانے کیلئے بڑا فیصلہ کرلیا گیا
22 دسمبر ، 2024
پاکستان کے ٹی 20 اسکواڈ کو بہتر بنانے کیلئے بڑا فیصلہ کرلیا گیا
22 دسمبر ، 2024
معروف میکسیکن ریسلر 66 برس کی عمر میں چل بسے
22 دسمبر ، 2024
