15 نومبر ، 2019 
کراچی آج دنیا کا چوتھا آلودہ ترین شہر
15 نومبر ، 2019
فضائی آلودگی کے باعث کراچی آج دنیا کے آلودہ ترین شہروں میں چوتھے نمبر پر آگیا۔
محکمہ موسمیات کے مطابق فضا کو صاف رکھنے والی سمندری ہوائیں موسم سرما میں معطل رہتی ہیں اور شمال مشرق کی صحرائی ہوائیں کراچی کی فضا گرد آلود کرنے کا باعث ہیں۔
محکمہ موسمیات نے بتایا کہ کراچی میں عام طورپر حد نگاہ 4 سے 6 کلومیٹر رہتی ہے لیکن فضا گرد آلود ہونے کے باعث حد نگاہ 3کلومیٹر ہے۔
ہوا میں ذرات، گاڑیوں اور فیکٹری کا دھواں شامل
دوسری جانب ائیرکوالٹی انڈیکس کا کہنا ہےکہ ماحولیاتی آلودگی ناپنے والے انڈیکس میں کراچی آج کا چوتھا آلودہ ترین شہر ہے، پہلے نمبر پر دلی دوسرے پرلاہور اور تیسرےپر تاشقند ہے۔
ائیر کوالٹی انڈیکس کے مطابق مٹی کے ذرات،گاڑیوں، فیکٹریوں کا دھواں ہوا میں شامل ہے، عالمی انڈیکس میں کراچی کی فضائی آلودگی 177درجے سے زیادہ ہے جب کہ 150سے 300 انڈیکس تک فضائی آلودگی انتہائی مضرصحت ہوتی ہے۔
ماہرین صحت کا مشورہ
کراچی کی فضائی آلودگی کو دیکھتے ہوئے ماہرین صحت نے کہا ہے کہ آلودگی کے صحت پر مضر اثرات ہوسکتے ہیں لہٰذا آنکھوں میں تکلیف، الرجی اور دمہ کے مریضوں کو سانس لینے میں دشواری ہوگی۔
ماہرین صحت نے مشورہ دیا کہ موٹرسائیکل سوار ہیلمٹ لگائیں اور آنکھوں کو بارباردھوئیں جب کہ گھروں کی کھڑکیاں بند رکھیں۔
مزید خبریں :
جسم میں وٹامن ڈی کی کمی کا اشارہ دینے والی 7 نشانیاں
11 گھنٹے پہلے
سائنسدان انسانی خیالات کی حیران کن رفتار کا تعین کرنے میں کامیاب
25 دسمبر ، 2024
خراٹوں کا علاج کرنے والی پہلی دوا کی منظوری دیدی گئی
24 دسمبر ، 2024
ہڈیوں کو کمزور بنا دینے والی عام غلطیاں جو بیشتر افراد کرتے ہیں
22 دسمبر ، 2024
کیا زیادہ پانی پینے سے صحت کو فائدہ ہوتا ہے؟
22 دسمبر ، 2024
چینی سائنسدانوں کی اہم پیشرفت، بڑھاپا ماضی کا قصہ بننے کے قریب
22 دسمبر ، 2024
